ಮಂಗಳೂರು: ಶಿಕ್ಷಕರ ದಿನಾಚರಣೆಯ ಪ್ರಯುಕ್ತ ನೀಡಲಾಗುವ 2026-27ನೇ ಸಾಲಿನ ದಕ್ಷಿಣ ಕನ್ನಡ ಜಿಲ್ಲಾ ಮಟ್ಟದ ‘ಉತ್ತಮ ಶಿಕ್ಷಕ ಪ್ರಶಸ್ತಿ’ಯನ್ನು ಶಾಲಾ ಶಿಕ್ಷಣ ಮತ್ತು ಸಾಕ್ಷರತಾ ಇಲಾಖೆ ಪ್ರಕಟಿಸಿದೆ. ಕಿರಿಯ ಪ್ರಾಥಮಿಕ, ಹಿರಿಯ ಪ್ರಾಥಮಿಕ ಹಾಗೂ ಪ್ರೌಢಶಾಲಾ ವಿಭಾಗದಲ್ಲಿ ತಲಾ 7 ಶಿಕ್ಷಕರಂತೆ ಜಿಲ್ಲೆಯ ಒಟ್ಟು 21 ಸಾಧಕ ಶಿಕ್ಷಕರನ್ನು ಈ ಗೌರವಕ್ಕೆ ಆಯ್ಕೆ ಮಾಡಲಾಗಿದ್ದು, ಸೆಪ್ಟೆಂಬರ್ 5 ರಂದು (ಇಂದು) ಮಂಗಳೂರಿನ ಜಿಲ್ಲಾ ಪಂಚಾಯತ್ ಸಂಸದ ರಂಗಮಂದಿರ/ಜಿಲ್ಲಾ ರಂಗಮಂದಿರದಲ್ಲಿ ಪ್ರಶಸ್ತಿ ಪ್ರದಾನ ಕಾರ್ಯಕ್ರಮ ನಡೆಯಲಿದೆ.

ಬಂಟ್ವಾಳ ತಾಲೂಕಿನ ಸಾಧಕ ಶಿಕ್ಷಕರು :

ಈ ಬಾರಿಯ ಜಿಲ್ಲಾ ಮಟ್ಟದ ಪ್ರಶಸ್ತಿ ಪಟ್ಟಿಯಲ್ಲಿ ಬಂಟ್ವಾಳ ತಾಲೂಕಿನ ಮೂವರು ಶಿಕ್ಷಕರು ಪ್ರಶಸ್ತಿಗೆ ಭಾಜನರಾಗುವ ಮೂಲಕ ತಾಲೂಕಿಗೆ ಕೀರ್ತಿ ತಂದಿದ್ದಾರೆ.

1. ವಿದ್ಯಾಶಂಕರ್ ಡಿ. – ವಿಟ್ಲ ಪಿಎಂಶ್ರೀ ಸರಕಾರಿ ಶಾಲೆ (ದೈಹಿಕ ಶಿಕ್ಷಣ ಶಿಕ್ಷಕ)

ಹಿರಿಯ ಪ್ರಾಥಮಿಕ ಶಾಲಾ ವಿಭಾಗದಲ್ಲಿ ಬಂಟ್ವಾಳ ತಾಲೂಕಿನ ವಿಟ್ಲ ಪಿಎಂಶ್ರೀ (ಸರಕಾರಿ ಪ್ರೌಢ ಶಾಲೆ) ಶಾಲೆಯ ದೈಹಿಕ ಶಿಕ್ಷಣ ಶಿಕ್ಷಕರಾದ ವಿದ್ಯಾಶಂಕರ್ ಡಿ. ಅವರು ಜಿಲ್ಲಾ ಮಟ್ಟದ ಉತ್ತಮ ಶಿಕ್ಷಕ ಪ್ರಶಸ್ತಿಗೆ ಭಾಜನರಾಗಿದ್ದಾರೆ.

ದೀರ್ಘಾವಧಿ ಸೇವೆ & ಅನುಭವ: ವಿದ್ಯಾಶಂಕರ್ ಅವರು ಕಳೆದ 3 ದಶಕಗಳಿಂದ ಸರಕಾರಿ ಶಾಲೆಗಳಲ್ಲಿ ಅತ್ಯಂತ ನಿಷ್ಠೆಯಿಂದ ಸೇವೆ ಸಲ್ಲಿಸುತ್ತಿದ್ದಾರೆ. ಈ ಹಿಂದೆ ಸರಕಾರಿ ಹಿರಿಯ ಪ್ರಾಥಮಿಕ ಶಾಲೆ ಕಿನ್ಯಾ, ನಂದಾವರ, ಬೋಳಂತೂರು ಹಾಗೂ ಕೋಟೇಶ್ವರ ಶಾಲೆಯಲ್ಲಿ ಸೇವೆ ಸಲ್ಲಿಸಿ, ಪ್ರಸ್ತುತ ವಿಟ್ಲ ಪಿಎಂಶ್ರೀ ಶಾಲೆಯಲ್ಲಿ ಕಾರ್ಯನಿರ್ವಹಿಸುತ್ತಿದ್ದಾರೆ.

ಕ್ರೀಡಾ ಸಾಧನೆ & ರಾಷ್ಟ್ರೀಯ ಗುರುತಿಸುವಿಕೆ: ರಾಷ್ಟ್ರೀಯ ಮಟ್ಟದ ಕಬಡ್ಡಿ ತೀರ್ಪುಗಾರರಾಗಿರುವ ಇವರು ಹಲವು ರಾಜ್ಯ ಹಾಗೂ ರಾಷ್ಟ್ರ ಮಟ್ಟದ ಪಂದ್ಯಾಟಗಳಲ್ಲಿ ತೀರ್ಪುಗಾರರಾಗಿ ಸೇವೆ ಸಲ್ಲಿಸಿದ್ದಾರೆ. 14 ವರ್ಷ ವಯೋಮಿತಿಯ RJHL ಸಂಸ್ಥೆ ಆಯೋಜಿಸಿದ್ದ ಬಾಲಕಿಯರ ರಾಷ್ಟ್ರಮಟ್ಟದ ಫೈನಲ್ ಕಬಡ್ಡಿ ಪಂದ್ಯಾಟದಲ್ಲಿ ಅಂಪೈರ್ ಆಗಿ ಕಾರ್ಯನಿರ್ವಹಿಸಿದ ಹೆಗ್ಗಳಿಕೆ ಇವರದ್ದಾಗಿದೆ.

ಕ್ರೀಡಾಪಟುಗಳ ಮಾರ್ಗದರ್ಶಿ: ಇವರ ಗರಡಿಯಲ್ಲಿ ತರಬೇತಿ ಪಡೆದ ನೂರಾರು ವಿದ್ಯಾರ್ಥಿಗಳು ತಾಲೂಕು, ಜಿಲ್ಲೆ, ರಾಜ್ಯ ಹಾಗೂ ರಾಷ್ಟ್ರೀಯ ಮಟ್ಟದ ಕ್ರೀಡಾಕೂಟಗಳಲ್ಲಿ ಭಾಗವಹಿಸಿ ಸಾಧನೆ ಮಾಡಿದ್ದಾರೆ. ಶಾಲಾ ಶಿಕ್ಷಣ ಇಲಾಖೆಯು ಇವರ ಕ್ರೀಡಾಸೇವೆ ಹಾಗೂ ಶೈಕ್ಷಣಿಕ ಕೊಡುಗೆಯನ್ನು ಗುರುತಿಸಿ ಈ ಪ್ರಶಸ್ತಿಯನ್ನು ಪ್ರಕಟಿಸಿದೆ.

2. ವಿಜಯಲಕ್ಷ್ಮಿ ಕಟೀಲು – ಮಂಚಿ ಕೊಳ್ನಾಡು ಸರಕಾರಿ ಪ್ರೌಢಶಾಲೆ

ಪ್ರೌಢಶಾಲಾ ವಿಭಾಗದಿಂದ ಮಂಚಿ ಕೊಳ್ನಾಡು ಸರಕಾರಿ ಪ್ರೌಢಶಾಲೆಯ ಸಹಶಿಕ್ಷಕಿ ವಿಜಯಲಕ್ಷ್ಮಿ ಅವರು ಆಯ್ಕೆಯಾಗಿದ್ದಾರೆ.ಎಂ.ಎ.ಎಂ. ಎಡ್.‌ ಪದವೀಧರರಾಗಿರುವ ಇವರು ಕನ್ನಡ ಮತ್ತು ತುಳು ಎರಡೂ ಭಾಷೆಗಳಲ್ಲಿ ಪ್ರಸಿದ್ಧ ಲೇಖಕಿಯೂ ಆಗಿರುವ ಇವರು ತುಳು ಎಂ.ಎ. ಪದವಿಯಲ್ಲಿ ಮಂಗಳೂರು ವಿಶ್ವವಿದ್ಯಾನಿಲಯಕ್ಕೆ 3ನೇ ರಾಂಕ್ ಪಡೆದಿದ್ದಾರೆ. ‘ ಸತ್ಯ ಸಂಶೋಧನಾ ಕೇಂದ್ರ’ದಿಂದ ‘ಸಾವಿತ್ರಿ ಬಾಯಿ ಫುಲೆ’ ಪ್ರಶಸ್ತಿ ಹಾಗೂ ತುಳು ಸಾಹಿತ್ಯ ಸೇವೆಗಾಗಿ ‘ತುಳುನಾಡ ಸಿರಿ’ ಪ್ರಶಸ್ತಿಗಳನ್ನು ಪಡೆದಿರುತ್ತಾರೆ.

3. ದಾಮೋದರ – ಸೇರ್ಕಳ ಕಿರಿಯ ಪ್ರಾಥಮಿಕ ಶಾಲೆ

ಕಿರಿಯ ಪ್ರಾಥಮಿಕ ಶಾಲಾ ವಿಭಾಗದಲ್ಲಿ ಬಂಟ್ವಾಳ ತಾಲೂಕಿನ ಸೇರ್ಕಳ ಕೆ.ಪ್ರಾ. ಶಾಲೆಯ ಸಹಶಿಕ್ಷಕ ದಾಮೋದರ ಅವರು ಆಯ್ಕೆಯಾಗಿದ್ದಾರೆ. ಇವರು ಸುಮಾರು 32 ವರ್ಷಗಳ ಕಾಲ ಶಿಕ್ಷಣ ಕ್ಷೇತ್ರದಲ್ಲಿ ಸುದೀರ್ಘ ಸೇವೆ ಸಲ್ಲಿಸಿದ ಅನುಭವ ಹೊಂದಿದ್ದಾರೆ.

ದಕ್ಷಿಣ ಕನ್ನಡ ಜಿಲ್ಲೆಯ ಇತರೆ ತಾಲೂಕುಗಳ ಪ್ರಶಸ್ತಿ ವಿಜೇತರ ಪಟ್ಟಿ:

1. ಕಿರಿಯ ಪ್ರಾಥಮಿಕ ಶಾಲಾ ವಿಭಾಗ:

• ದಾಮೋದರ (ಸೇರ್ಕಳ ಶಾಲೆ, ಬಂಟ್ವಾಳ)
• ಚಿತ್ರಪ್ರಭಾ (ಮುಂಡ್ರುಪಾಡಿ ಶಾಲೆ, ಬೆಳ್ತಂಗಡಿ)
• ಉಮಾಲಕ್ಷ್ಮಿ (ಸ್ಯಾಂಡ್‌ಪೀಟ್ ಶಾಲೆ, ಮಂಗಳೂರು ಉತ್ತರ)
• ಪ್ಲೇವಿ ಜೆಸಿಂತ ಮಿರಾಂದ (ಬದ್ರಿಯಾನಗರ ಶಾಲೆ, ಮಂಗಳೂರು ದಕ್ಷಿಣ)
• ಶ್ರೀವಾಣಿ (ಪೆಂಜಾರು ಶಾಲೆ, ಮೂಡುಬಿದಿರೆ)
• ಮಾಲತಿ (ಹೊಸ್ತೋಟ ಶಾಲೆ, ಪುತ್ತೂರು)
• ಯಶೋಧರ (ಪಾಂಡಿಗದ್ದೆ ಶಾಲೆ, ಸುಳ್ಯ)

2. ಹಿರಿಯ ಪ್ರಾಥಮಿಕ ಶಾಲಾ ವಿಭಾಗ:

• ವಿದ್ಯಾಶಂಕರ್ ಡಿ. (ಪಿಎಂಶ್ರೀ ಶಾಲೆ ವಿಟ್ಲ, ಬಂಟ್ವಾಳ)
• ಕೃಷ್ಣಪ್ಪ ಪೂಜಾರಿ (ಅಂಡೆತಡ್ಕ ಶಾಲೆ, ಬೆಳ್ತಂಗಡಿ)
• ಇಂದಿರಾ ಎಸ್. (ಕಾಟಿಪಳ್ಳ ಶಾಲೆ, ಮಂಗಳೂರು ಉತ್ತರ)
• ಹರೀಶ್ ಕುಮಾರ್ ಬಿ.ಎಂ. (ಉಚ್ಚಿಲಗುಡ್ಡೆ ಶಾಲೆ, ಮಂಗಳೂರು ದಕ್ಷಿಣ)
• ಭುವನೇಶ್ವರಿ ಕೆ. (ಸಾಮೆತ್ತಡ್ಕ ಶಾಲೆ, ಪುತ್ತೂರು)

3. ಪ್ರೌಢಶಾಲಾ ವಿಭಾಗ:

• ವಿಜಯಲಕ್ಷ್ಮಿ (ಮಂಚಿ ಕೊಳ್ನಾಡು ಶಾಲೆ, ಬಂಟ್ವಾಳ)
• ರವೀಂದ್ರ ಕೆ. (ವೇಣೂರು ಪ್ರೌಢಶಾಲೆ, ಬೆಳ್ತಂಗಡಿ)
• ಪ್ರವೀಣ್ ಕುಟಿನ್ಹೋ (ಸಂತ ಅಲೋಶಿಯಸ್ ಶಾಲೆ, ಮಂಗಳೂರು ಉತ್ತರ)
• ಕಿಶೋರ್ (ಮುಚ್ಚೂರು ಪ್ರೌಢಶಾಲೆ, ಮಂಗಳೂರು ದಕ್ಷಿಣ)
• ಜಾನ್ ರೊನಾಲ್ಡ್ ಡಿಸೋಜ (ಮೂಡುಮಾರ್ನಾಡು ಶಾಲೆ, ಮೂಡುಬಿದಿರೆ)
• ಥಾಮಸ್ ಎಂ.ಐ. (ಸಂತ ಜಾರ್ಜ್ ಶಾಲೆ ನೆಲ್ಯಾಡಿ, ಪುತ್ತೂರು)
• ಕಿಶೋರ್ ಕುಮಾರ್ (ಸರಕಾರಿ ಪ್ರೌಢಶಾಲೆ, ಸುಳ್ಯ)

ಜಿಲ್ಲೆಯಾದ್ಯಂತ ಆಯ್ಕೆಯಾದ ಎಲ್ಲಾ ಉತ್ತಮ ಶಿಕ್ಷಕರಿಗೆ ಶಿಕ್ಷಣ ಇಲಾಖೆ ಹಾಗೂ ಸಾರ್ವಜನಿಕರಿಂದ ಅಭಿನಂದನೆಗಳ ಸುರಿಮಳೆಯಾಗುತ್ತಿದೆ.

ಮಂಗಳೂರು / ಬೆಂಗಳೂರು: ಶಿಕ್ಷಕರ ದಿನಾಚರಣೆಯ ಶುಭ ಸಂದರ್ಭದಲ್ಲಿ ದಕ್ಷಿಣ ಕನ್ನಡ ಜಿಲ್ಲಾ ಶಾಲಾ ಶಿಕ್ಷಣ ಇಲಾಖೆಯು ಜಿಲ್ಲಾ ಮಟ್ಟದ ‘ಉತ್ತಮ ಶಿಕ್ಷಕ ಪ್ರಶಸ್ತಿ’ಗೆ ಆಯ್ಕೆಯಾದ ಶಿಕ್ಷಕರ ಪಟ್ಟಿಯನ್ನು ಪ್ರಕಟಿಸಿದೆ. ಶಾಲಾ ಶಿಕ್ಷಣ ಇಲಾಖೆಯ ಉಪನಿರ್ದೇಶಕರು (ಆಡಳಿತ) ಈ ಪ್ರಶಸ್ತಿ ಪಟ್ಟಿಯನ್ನು ಬಿಡುಗಡೆ ಮಾಡಿದ್ದು, ಜಿಲ್ಲೆಯ ಕಿರಿಯ ಪ್ರಾಥಮಿಕ, ಹಿರಿಯ ಪ್ರಾಥಮಿಕ ಹಾಗೂ ಪ್ರೌಢಶಾಲಾ ವಿಭಾಗಗಳಲ್ಲಿ ತಲಾ 7 ರಂತೆ ಒಟ್ಟು 21 ಶಿಕ್ಷಕರಿಗೆ ಈ ಬಾರಿ ಪ್ರಶಸ್ತಿ ಗೌರವ ಸಿಕ್ಕಿದೆ.

ಇದಲ್ಲದೆ, ಕರ್ನಾಟಕ ಸರ್ಕಾರದ ಶಾಲಾ ಶಿಕ್ಷಣ ಮತ್ತು ಸಾಕ್ಷರತಾ ಇಲಾಖೆಯು ಪ್ರಕಟಿಸಿರುವ ರಾಜ್ಯ ಮಟ್ಟದ ಉತ್ತಮ ಶಿಕ್ಷಕರ ಪಟ್ಟಿಯಲ್ಲಿ ದಕ್ಷಿಣ ಕನ್ನಡ ಜಿಲ್ಲೆಯ ಇಬ್ಬರು ಸಾಧಕ ಶಿಕ್ಷಕರು ಆಯ್ಕೆಯಾಗಿ ಜಿಲ್ಲೆಗೆ ಕೀರ್ತಿ ತಂದಿದ್ದಾರೆ.

ದಕ್ಷಿಣ ಕನ್ನಡ ಜಿಲ್ಲಾ ಮಟ್ಟದ ಉತ್ತಮ ಶಿಕ್ಷಕರ ಪಟ್ಟಿ

ಸೆಪ್ಟೆಂಬರ್ 5 ರಂದು ನಡೆಯಲಿರುವ ಶಿಕ್ಷಕರ ದಿನಾಚರಣೆಯ ಕಾರ್ಯಕ್ರಮದಲ್ಲಿ ಈ ಕೆಳಗಿನ ಶಿಕ್ಷಕರಿಗೆ ಪ್ರಶಸ್ತಿ ಪ್ರದಾನ ಮಾಡಲಾಗುವುದು:

1. ಕಿರಿಯ ಪ್ರಾಥಮಿಕ ಶಾಲಾ ವಿಭಾಗ (7 ಮಂದಿ):

• ದಾಮೋದರ – ಸಹಶಿಕ್ಷಕ, ಸೇರ್ಕಳ ಶಾಲೆ, ಬಂಟ್ವಾಳ ತಾಲೂಕು
• ಚಿತ್ರಪ್ರಭಾ – ಸಹಶಿಕ್ಷಕಿ, ಮುಂಡ್ರುಪಾಡಿ ಶಾಲೆ, ಬೆಳ್ತಂಗಡಿ ತಾಲೂಕು
• ಉಮಾಲಕ್ಷ್ಮಿ – ಸಹಶಿಕ್ಷಕಿ, ಸ್ಯಾಂಡ್‌ಪಿಟ್ ಶಾಲೆ, ಮಂಗಳೂರು ಉತ್ತರ ವಲಯ
• ಫ್ಲೇವಿಯ ಜೇಸಿಂತ ಮಿರಾಂಡ – ಸಹಶಿಕ್ಷಕಿ, ಬದ್ರಿಯಾನಗರ ಶಾಲೆ, ಮಂಗಳೂರು ದಕ್ಷಿಣ ವಲಯ
• ಶ್ರೀವಾಣಿ – ಸಹಶಿಕ್ಷಕಿ, ಪೆಂಜಾರಿನ ಶಾಲೆ, ಮೂಡುಬಿದಿರೆ ತಾಲೂಕು
• ಮಾಲತಿ – ಸಹಶಿಕ್ಷಕಿ, ಹೊಸತೋಟ ಶಾಲೆ, ಪುತ್ತೂರು ತಾಲೂಕು
• ಯಶೋಧರ – ಸಹಶಿಕ್ಷಕ, ಪಾಂಡಿಗದ್ದೆ ಶಾಲೆ, ಸುಳ್ಯ ತಾಲೂಕು

(ಹಿರಿಯ ಪ್ರಾಥಮಿಕ ಹಾಗೂ ಪ್ರೌಢಶಾಲಾ ವಿಭಾಗದ ತಲಾ 7 ಶಿಕ್ಷಕರ ಸಂಪೂರ್ಣ ಪಟ್ಟಿಯ ವಿವರ ಇಲಾಖೆಯಿಂದ ಶೀಘ್ರದಲ್ಲೇ ಅಪ್‌ಡೇಟ್ ಆಗಲಿದೆ).

ರಾಜ್ಯ ಮಟ್ಟದ ಉತ್ತಮ ಶಿಕ್ಷಕರ ಪ್ರಶಸ್ತಿಗೆ ಆಯ್ಕೆಯಾದ ಜಿಲ್ಲೆಯ ಶಿಕ್ಷಕರು

ರಾಜ್ಯ ಮಟ್ಟದ ಪ್ರಶಸ್ತಿಗೆ ಆಯ್ಕೆಯಾದ ಒಟ್ಟು 31 ಶಿಕ್ಷಕರಲ್ಲಿ (ಪ್ರಾಥಮಿಕ 20, ಪ್ರೌಢಶಾಲೆ 11) ದಕ್ಷಿಣ ಕನ್ನಡದ ಇಬ್ಬರು ಶಿಕ್ಷಕರು ಸ್ಥಾನ ಪಡೆದಿದ್ದಾರೆ:

• ಪ್ರೌಢಶಾಲಾ ವಿಭಾಗ: ರೋಷನ್ ಅಲೆಕ್ಸಾಂಡರ್ ಪಿಂಟೋ, ಕಾರ್ಮಲ್ ಹೈಸ್ಕೂಲ್, ಮೋಡಂಕಾಪು, ಬಂಟ್ವಾಳ ತಾಲೂಕು, ದಕ್ಷಿಣ ಕನ್ನಡ.
• (ನೆರೆ ಜಿಲ್ಲೆ ಉಡುಪಿಯಿಂದ ಪ್ರಾಥಮಿಕ ವಿಭಾಗದಲ್ಲಿ ಅಶೋಕ (ಸರ್ಕಾರಿ ಹಿರಿಯ ಪ್ರಾಥಮಿಕ ಶಾಲೆ, ಹೆಸಕುತೂರು, ಕುಂದಾಪುರ) ಅವರು ಆಯ್ಕೆಯಾಗಿದ್ದಾರೆ).

ರಾಜ್ಯ ಮಟ್ಟದ ಉತ್ತಮ ಶಿಕ್ಷಕರ ಪ್ರಶಸ್ತಿ ವಿವರ (2026-27)

ಶಿಕ್ಷಣ ಇಲಾಖೆಯು ರಾಜ್ಯ ಮಟ್ಟದಲ್ಲಿ ಆಯ್ಕೆಯಾದ ಶಿಕ್ಷಕರಿಗೆ ಮಹಿಳಾ ಶಿಕ್ಷಕರಿಗೆ ಗೌರವ ಸಲ್ಲಿಸುವ ನಿಟ್ಟಿನಲ್ಲಿ “ಸಾವಿತ್ರಿಬಾಯಿ ಫುಲೆ” ಅವರ ಹೆಸರಿನಲ್ಲಿ ಪ್ರಶಸ್ತಿ ನೀಡುತ್ತಿದ್ದು, ಸೆಪ್ಟೆಂಬರ್ 5ರಂದು ಪ್ರಶಸ್ತಿ ಪ್ರದಾನ ಮಾಡಲಾಗುವುದು. ಪುರಸ್ಕೃತರಿಗೆ ತಲಾ ರೂ. 25,000 ನಗದು ಪುರಸ್ಕಾರ ಹಾಗೂ ಗೌರವ ಸಿಗಲಿದೆ.

ರಾಜ್ಯ ಮಟ್ಟಕ್ಕೆ ಆಯ್ಕೆಯಾದ ಪ್ರಮುಖ ಶಿಕ್ಷಕರ ವಿವರ (ಒಟ್ಟು 31 ಮಂದಿ):

ಪ್ರಾಥಮಿಕ ಶಾಲಾ ವಿಭಾಗ (20 ಮಂದಿ):

1. ಸಿ. ಉಮಾ – ಸ.ಹಿ.ಪ್ರಾ.ಶಾಲೆ, ಕೆಂಪತಿಮ್ಮನಹಳ್ಳಿ, ದೇವನಹಳ್ಳಿ ತಾಲೂಕು, ಬೆಂಗಳೂರು ಗ್ರಾಮಾಂತರ
2. ಬಸಪ್ಪ ವರಪ್ಪ ಪಾಟೀಲ – ಕೆ.ಹೆಚ್.ಪಿ.ಎಸ್. ಹಲ್ಲೂರು ಕ್ರಾಸ್, ಮೂಡಲಗಿ, ಚಿಕ್ಕೋಡಿ
3. ಅಶೋಕ – ಸ.ಹಿ.ಪ್ರಾ.ಶಾಲೆ, ಹೆಸಕುತೂರು, ಕುಂದಾಪುರ, ಉಡುಪಿ
4. ಸುರೇಶ.ಕೆ – ಸ.ಕಿ.ಪ್ರಾ.ಶಾಲೆ, ಗುಂಡೇರಡೋಡ್ಡಿ, ದೇವದುರ್ಗ, ರಾಯಚೂರು
5. ಹಣಮಂತ ಕಲ್ಲಪ್ಪ ಕಾತರಕಿ – ಸ.ಹಿ.ಪ್ರಾ.ಶಾಲೆ, ಕೆಂಗಲಗುತ್ತಿ, ವಿಜಯಪುರ
6. ಉಷಾ ವಿ.ನಾಯಕ – ಸ.ಹಿ.ಪ್ರಾ.ಶಾಲೆ ನಂ.01, ಹೊನ್ನಾವರ, ಉತ್ತರ ಕನ್ನಡ
7. ಮಸ್ತಾನ್ ವಲಿ – ಸ.ಕಿ.ಪ್ರಾ.ಶಾಲೆ, ಗುಟ್ಟಹಳ್ಳಿ, ಚಿಂತಾಮಣಿ, ಚಿಕ್ಕಬಳ್ಳಾಪುರ
8. ಪ್ರಭಾವತಿ ಬಾಳಪ್ಪಾ ಹಾಲೇಣ್ಣವರ (ಮುಖ್ಯ ಶಿಕ್ಷಕರು) – ಮುರಾರಿ ಸ.ಹಿ.ಪ್ರಾ.ಶಾಲೆ, ಜಾಫರವಾಡಿ, ಬೆಳಗಾವಿ
9. ಸರೋಜಮ್ಮ – ಸ.ಹಿ.ಪ್ರಾ.ಶಾಲೆ, ಸತ್ತೇಗಾಲ ಅಗ್ರಹಾರ, ಕೊಳ್ಳೇಗಾಲ, ಚಾಮರಾಜನಗರ
10. ನಿಂಗಪ್ಪ (ಮುಖ್ಯ ಶಿಕ್ಷಕರು) – ಸ.ಹಿ.ಪ್ರಾ.ಶಾಲೆ, ಗುಂಜಬಬಲಾದ, ಆಳಂದ, ಕಲಬುರಗಿ
11. ರತ್ನಮ್ಮ.ಎನ್.ಎಂ – ಸ.ಹಿ.ಪ್ರಾ.ಶಾಲೆ, ಕೆಂಬತಹಳ್ಳಿ, ಬೆಂಗಳೂರು ದಕ್ಷಿಣ
12. ನೇಮಣ್ಣ ಬಮ್ಮಣ್ಣ ಜಮಖಂಡಿ – ಶ್ರೀ ಜಿನಸೇನ ಚಾರ್ಮ ಸ.ಹಿ.ಪ್ರಾ.ಶಾಲೆ, ತೇರದಾಳ, ಬಾಗಲಕೋಟೆ
13. ರಾಮಚಂದ್ರು ಈ ನಾಯ್ಕು – ಸ.ಹಿ.ಪ್ರಾ.ಶಾಲೆ, ಗಣಪತಿಗಲ್ಲಿ, ಯಲ್ಲಾಪುರ, ಶಿರಸಿ
14. ಮಾಲಿನಿ.ಎಂ – ಸ.ಕಿ.ಪ್ರಾ.ಶಾಲೆ, ಮುದಿಗೌಡನಹಟ್ಟಿ, ಕೊರಟಗೆರೆ, ಮಧುಗಿರಿ
15. ಕುಮಾರನಾಯ್ಕ.ಬಿ.ಡಿ – ಸ.ಕಿ.ಪ್ರಾ.ಶಾಲೆ, ಚಿಕ್ಕಮಾಗಡಿ ತಾಂಡ, ಶಿಕಾರಿಪುರ, ಶಿವಮೊಗ್ಗ
16. ಕೃಷ್ಣಮೂರ್ತಿ ಕೆ.ಎಸ್ – ಸರ್ಕಾರಿ ಮಾದರಿ ಪ್ರಾಥಮಿಕ ಶಾಲೆ, ಗೃಹಲಕ್ಷ್ಮಿ ಬಡಾವಣೆ, ಬೆಂಗಳೂರು ಉತ್ತರ
17. ಮಲ್ಲಿಕಾರ್ಜುನ ಬಡಿಗೇರ – ಸ.ಕಿ.ಪ್ರಾ.ಶಾಲೆ, ಸದಾಶಿವಪುರ, ಹೊನ್ನಾಳಿ, ದಾವಣಗೆರೆ
18. ಪ್ರೇಮಕುಮಾರ್ ವಿ.ಎಸ್ – ಸ.ಹಿ.ಪ್ರಾ.ಶಾಲೆ, ಹೆಗೆರೆ, ತುರುವೇಕೆರೆ, ತುಮಕೂರು
19. ದುರ್ಗವ್ವ.ಹೆಚ್ – ಸ.ಹಿ.ಪ್ರಾ. ಮತ್ತು ಪ್ರೌಢ ಶಾಲೆ, ಕೊಂಚಿಗೇರಿ, ಸಿರುಗುಪ್ಪ, ಬಳ್ಳಾರಿ
20. ಮೈಲಾರಪ್ಪ ಬೂದಿಹಾಳ – ಸ.ಹಿ.ಪ್ರಾ.ಶಾಲೆ, ಹನವಾಳ, ಗಂಗಾವತಿ, ಕೊಪ್ಪಳ

ಪ್ರೌಢಶಾಲಾ ವಿಭಾಗ (11 ಮಂದಿ):

1. ಬಿರಾದಾರ ಸಿದ್ಧಪ್ಪ ವೀರಭದ್ರಪ್ಪ – ಸರ್ಕಾರಿ ಪ್ರೌಢ ಶಾಲೆ, ಚಿಬ್ಬಲಗೇರಿ, ಹಳಿಯಾಳ, ಶಿರಸಿ
2. ಶೃನಾಕುಮಾರಿ. ಎಂ – ಕರ್ನಾಟಕ ಪಬ್ಲಿಕ್ ಶಾಲೆ, ಜೀವನ್ ಭೀಮಾನಗರ, ಬೆಂಗಳೂರು ಕೇಂದ್ರ
3. ಕುಬೇರನಾಯ್ಕ.ಬಿ – ಸರ್ಕಾರಿ ಪ್ರೌಢ ಶಾಲೆ, ತಮ್ಮಡಿಹಳ್ಳಿ, ಶಿವಮೊಗ್ಗ
4. ನೀಲಕಂತ ಗಾವಂಕರ್ – ಸರ್ಕಾರಿ ಪದವಿ ಪೂರ್ವ ಕಾಲೇಜು (ಪ್ರೌಢಶಾಲೆ), ದೇವನಹಳ್ಳಿ, ಬೆಂಗಳೂರು ಗ್ರಾಮಾಂತರ
5. ವಿ.ವೆಂಕಟೇಶ (ಮುಖ್ಯ ಶಿಕ್ಷಕರು) – ಸರ್ಕಾರಿ ಪ್ರೌಢಶಾಲೆ, ಗೊಳೂರು, ಬಾಗೇಪಲ್ಲಿ, ಚಿಕ್ಕಬಳ್ಳಾಪುರ
6. ಮಮತಾ ಆರ್. ನಾಯ್ಕ (ಮುಖ್ಯ ಶಿಕ್ಷಕರು) – ಅಗನಾಶಿನಿ ಉನ್ನತೀಕರಿಸಿದ ಶಾಲೆ, ಕುಮಟಾ, ಉತ್ತರ ಕನ್ನಡ
7. ರೋಷನ್ ಅಲೆಕ್ಸಾಂಡರ್ ಪಿಂಟೋ – ಕಾರ್ಮಲ್ ಹೈಸ್ಕೂಲ್, ಮೋದನಕಾಪು, ಬಂಟ್ವಾಳ, ದಕ್ಷಿಣ ಕನ್ನಡ
8. ಜಯಶೀಲ – ಸರ್ಕಾರಿ ಆದರ್ಶ ವಿದ್ಯಾಲಯ, ಮೈಸೂರು
9. ಮಥಾಯಿ.ಟಿ – ಸರ್ಕಾರಿ ಪ್ರೌಢ ಶಾಲೆ, ಮುತ್ತಿನಕೊಪ್ಪ, ಎನ್‌ಆರ್‌ ಪುರ, ಚಿಕ್ಕಮಗಳೂರು
10. ಜಯಪ್ಪ ಕೆ.ಟಿ – ಸರ್ಕಾರಿ ಹಿರಿಯ ಪ್ರಾಥಮಿಕ ಶಾಲೆ (ಉನ್ನತೀಕರಣ), ನಿಟ್ಟುವಳ್ಳಿ, ದಾವಣಗೆರೆ
11. ಆನಂದ ಮಾದೇವ ರುಂಡೆ (ವಿಶೇಷ ಶಿಕ್ಷಕರು) – ಸರ್ಕಾರಿ ಪ್ರೌಢಶಾಲೆ, ಟಕ್ಕಲಕಿ, ವಿಜಯಪುರ

ಪುತ್ತೂರು : ಕರಾಟೆ ಕ್ಷೇತ್ರದಲ್ಲಿ ದಕ್ಷಿಣ ಕನ್ನಡ ಜಿಲ್ಲೆಯ ಪುತ್ತೂರಿನ ಉದಯೋನ್ಮುಖ ಪ್ರತಿಭೆ ಸಾನ್ವಿತಾ ಎಂ. ರೈ ಮತ್ತೊಂದು ಐತಿಹಾಸಿಕ ಸಾಧನೆಗೆ ಪಾತ್ರರಾಗಿದ್ದಾರೆ. ವರ್ಲ್ಡ್ ಕರಾಟೆ ಮಾಸ್ಟರ್ಸ್ ಅಸೋಸಿಯೇಷನ್ (WKMA) ವತಿಯಿಂದ ಆಯೋಜಿಸಲಾಗಿದ್ದ ಬೃಹತ್ ಕರಾಟೆ ಪ್ರದರ್ಶನದಲ್ಲಿ ಭಾಗವಹಿಸಿ, ಹೊಸ ‘ಗಿನ್ನೆಸ್ ವಿಶ್ವ ದಾಖಲೆ’ (Guinness World Record) ಬರೆಯುವಲ್ಲಿ ಸಾನ್ವಿತಾ ಪ್ರಮುಖ ಪಾತ್ರ ವಹಿಸಿದ್ದಾರೆ.

ಸಾಧನೆಯ ಸಂಪೂರ್ಣ ವಿವರ:
ಕಾರ್ಯಕ್ರಮ ಹಾಗೂ ದಿನಾಂಕ: ಕರಾಟೆ ಮತ್ತು ಆತ್ಮರಕ್ಷಣಾ ಕಲೆಯ ಬಗ್ಗೆ ಸಾರ್ವಜನಿಕರಲ್ಲಿ ಜಾಗೃತಿ ಮೂಡಿಸುವ ನಿಟ್ಟಿನಲ್ಲಿ WKMA ತನ್ನ ಮೂರನೇ ‘ಗಿನ್ನೆಸ್ ವಿಶ್ವ ದಾಖಲೆ’ ಕಾರ್ಯಕ್ರಮವನ್ನು ಆಯೋಜಿಸಿತ್ತು. ಈ ಐತಿಹಾಸಿಕ ಕ್ಷಣಕ್ಕೆ ಚೆನ್ನೈನ ಸೇಂಟ್ ಥಾಮಸ್ ಕಾಲೇಜ್ ಆಫ್ ಆರ್ಟ್ಸ್ ಅಂಡ್ ಸೈನ್ಸ್ ಆವರಣವು ಸಾಕ್ಷಿಯಾಯಿತು.

ಲಂಡನ್ ಅಧಿಕೃತ ಪ್ರತಿನಿಧಿ ಭೇಟಿ: ಗಿನ್ನೆಸ್ ಹೆಡ್‌ಕ್ವಾರ್ಟರ್ಸ್, ಲಂಡನ್‌ನಿಂದ ಆಗಮಿಸಿದ್ದ ಅಧಿಕೃತ ಪ್ರತಿನಿಧಿಗಳ ಸಮಕ್ಷಮದಲ್ಲೇ ಈ ದಾಖಲೆಯ ಪ್ರಕ್ರಿಯೆ ಯಶಸ್ವಿಯಾಗಿ ನಡೆಯಿತು.

30 ನಿಮಿಷಗಳ ಕಠಿಣ ಸವಾಲು: ದಾಖಲೆಯ ಪ್ರಯತ್ನದಲ್ಲಿದ್ದ ಪ್ರತಿಯೊಬ್ಬ ಕರಾಟೆಪಟುವೂ 30 ನಿಮಿಷಗಳ ಕಾಲ ನಿರಂತರವಾಗಿ 10 ಪ್ರಮುಖ ಕರಾಟೆ ತಂತ್ರಗಳನ್ನು ಪ್ರದರ್ಶಿಸಬೇಕಾಗಿತ್ತು. ಈ ಕಠಿಣ ಸವಾಲನ್ನು ಸಾನ್ವಿತಾ ಸೇರಿದಂತೆ ಇಡೀ ತಂಡ ಅತ್ಯಂತ ಯಶಸ್ವಿಯಾಗಿ ಪೂರೈಸಿ ವಿಶ್ವ ದಾಖಲೆಯನ್ನು ತನ್ನದಾಗಿಸಿಕೊಂಡಿತು.

ಶಿಹಾನ್ ಸುರೇಶ್ ಎಂ. ಮಾರ್ಗದರ್ಶನ:
ಯುನೈಟೆಡ್ ಕರಾಟೆ ಬುಡೋಕಾನ್ ಇಂಟರ್‌ನ್ಯಾಷನಲ್‌ನಲ್ಲಿ ತರಬೇತಿ ಪಡೆಯುತ್ತಿರುವ ಸಾನ್ವಿತಾ ಎಂ. ರೈ ಅವರು ಪ್ರಖ್ಯಾತ ಕರಾಟೆ ಗುರು ಶಿಹಾನ್ ಸುರೇಶ್ ಎಂ. ಅವರ ಮಾರ್ಗದರ್ಶನದಲ್ಲಿ ಈ ಸಾಧನೆ ಮಾಡಿದ್ದಾರೆ. ಇವರು ಮನೋಜ್ ರೈ ಮತ್ತು ಸ್ವಪ್ನಾ ರೈ ದಂಪತಿಗಳ ದ್ವಿತೀಯ ಪುತ್ರಿಯಾಗಿದ್ದಾರೆ.

2030ರ ವೇಳೆಗೆ 8 ಕೋಟಿ ಜನರಿಗೆ ಆತ್ಮರಕ್ಷಣೆ ತರಬೇತಿ:
ಈ ಮಹತ್ವದ ಸಾಧನೆಯೊಂದಿಗೆ ವರ್ಲ್ಡ್ ಕರಾಟೆ ಮಾಸ್ಟರ್ಸ್ ಅಸೋಸಿಯೇಷನ್ (WKMA) ಭಾರತದಾದ್ಯಂತ ಕರಾಟೆ ಮತ್ತು ಆತ್ಮರಕ್ಷಣಾ ಕಲೆಯನ್ನು ಪಸರಿಸಲು ನಿರ್ಧರಿಸಿದೆ. 2030ರ ವೇಳೆಗೆ ದೇಶದ ಸುಮಾರು 8 ಕೋಟಿ ನಾಗರಿಕರಿಗೆ ಉಚಿತವಾಗಿ ಆತ್ಮರಕ್ಷಣಾ ತರಬೇತಿ ನೀಡುವ ಬೃಹತ್ ಗುರಿಯನ್ನು ಸಂಸ್ಥೆ ಹೊಂದಿದ್ದು, ಈ ದಿಕ್ಕಿನಲ್ಲಿ ಈ ಗಿನ್ನೆಸ್ ದಾಖಲೆಯು ದೊಡ್ಡ ಮೈಲುಗಲ್ಲಾಗಿದೆ.