Article
ಪುತ್ತೂರಿನಲ್ಲಿ ಮೊಳಗಿದ ಅಂಕದ ಕೋಳಿಯ ಬಿಂಕದ ಕೂಗು
ಜ್ಯೋತಿಪ್ರಕಾಶ್ ಪುಣಚ
ದೈವದೇವರ ನೇಮೋತ್ಸವದ ಪ್ರಯುಕ್ತ ನಡೆಸಲಾಗುವ ಸಾಂಪ್ರದಾಯಿಕ ಕೋಳಿ ಅಂಕಗಳಿಗೆ ಪೊಲೀಸ್ ಇಲಾಖೆ ಅನುಮತಿ ನೀಡಬೇಕೆಂದು ಆಗ್ರಹಿಸಿ ಪುತ್ತೂರಿನ ತುಳುವರು ಇದೀಗ ಮತ್ತೊಂದು ಮಹತ್ವದ ನಿರ್ಧಾರವನ್ನು ತಡೆದಿದ್ದಾರೆ ಇದೀಗ ಸಾಂಪ್ರದಾಯಿಕ ಆಚರಣಾ ಹಿತರಕ್ಷಣಾ ವೇದಿಕೆ ದ.ಕ. ಆರಂಭವಾಗಿದ್ದು, ಸಾಂಪ್ರದಾಯಿಕ ಆಚರಣೆಯನ್ನು ಹತ್ತಿಕ್ಕುವ ಪೊಲೀಸ್ ಕ್ರಮಗಳ ವಿರುದ್ಧ ಇದುವರೆಗೂ ಯಾವುದೇ ತುಳು ಸಂಘಟನೆಗಳು, ತಲೆಯದಿರತಕ್ಕಂತಹ. ಒತ್ತಾಯಿಸಿರದಂತಹ ನಿರ್ಧಾರಕ್ಕೆ ವೇದಿಕೆ ಸಿದ್ಧವಾಗಿದೆ.
ಕೋಳಿ ಅಂಕಕ್ಕೆ ಜೂಜು ಎನ್ನುವ ಹಣೆ ಪಟ್ಟಿ ಕಟ್ಟಿದ್ದರಿಂದ ಪೊಲೀಸ್ ಇಲಾಖೆ ಇದಕ್ಕೆ ನಿರ್ಬಂಧ ಹೇರುತ್ತಿದೆ ಎಂಬುವುದು ಸಾಂಪ್ರದಾಯಿಕ ಆಚರಣಾ ಹಿತರಕ್ಷಣಾ ಸಮಿತಿಯ ಪ್ರಮುಖ ಆರೋಪವಾಗಿದೆ.
ಪಂಚ ದ್ರಾವಿಡ ಭಾಷೆಗಳಲ್ಲಿ ಒಂದಾದ ತುಳುವಿಗೆ ತನ್ನದೇ ಆದ ಕೊಡುಗೆಯನ್ನು ನೀಡಿರುವ ಕರಾವಳಿಗರು ಒಂದೆಡೆ ಸೇರಿದ್ದಾರೆ. ಧಾರ್ಮಿಕ ಹಿನ್ನೆಲೆಯಲ್ಲಿ ಕೋಳಿಅಂಕದ ಮೂಲಕ ಗಣಗಳಿಗೆ ರಕ್ತತರ್ಪಣ ನೀಡುವ ನಂಬಿಕೆ ಹಿಂದಿನಿಂದಲೂ ನಡೆದುಕೊಂಡು ಬಂದಿದೆ. ದೈವಾರಾಧನೆ, ಯಕ್ಷಗಾನ, ನಾಗಮಂಡಲ, ನವರಾತ್ರಿ ಆಚರಣೆ, ತೆಂಗಿನಕಾಯಿ ಕುಟ್ಟುವುದು ಸೇರಿದಂತೆ ದ ಕ ಜಿಲ್ಲೆಯ ಸಾಂಪ್ರದಾಯಿಕ ಆಚರಣೆಯಾದ ಕೋಳಿ ಅಂಕವನ್ನೂ ಅದರದ್ದೇ ಆದ ಚೌಕಟ್ಟಿನಲ್ಲಿ ನಡೆಸಲಾಗುತ್ತಿತ್ತು. ಆದರೆ ಈ ಧಾರ್ಮಿಕ ಪರಂಪರೆಯ ಕೋಳಿ ಅಂಕಕ್ಕೆ ನಿಷೇಧ ಹೇರುವ ಮೂಲಕ ಜನರ ಧಾರ್ಮಿಕ ಭಾವನೆಗೆ ನೋವುಂಟು ಮಾಡುವ ಕೆಲಸ ನಡೆಸಲಾಗಿದೆ ಎಂಬುದು ಸಮಿತಿಯ ಆರೋಪವಾಗಿದೆ. ಕ್ರಿಕೆಟ್, ಕುದುರೆ ರೇಸ್ ಕಂಬಳದಂತೆ ಸಾಂಪ್ರದಾಯಿಕ ಮನೋರಂಜನೆ ಮತ್ತು ಕ್ರೀಡೆಯಾದ ಕೋಳಿ ಅಂಕಕ್ಕೆ ಸರಕಾರ ಮಾನ್ಯತೆ ನೀಡಬೇಕೆಂಬುದೇ ಆ ಸಭೆಯ ನಿರ್ಧಾರವಾಗಿತ್ತು.
ನೂತನವಾಗಿ ಅಸ್ಥಿತ್ವಕ್ಕೆ ಬಂದ ವೇದಿಕೆಯ ಪ್ರಶ್ನೆಗಳೇನು ?
ಕೋಳಿ ಅಂಕ ನಡೆಯುವ ಸಂದರ್ಭ ಪೊಲೀಸ್ ದಾಳಿಯ ವೇಳೆಯಲ್ಲಿ ಅಮಾಯಕರು ಓಡಿಹೋಗಿ ತಪ್ಪಿಸಿಕೊಳ್ಳಲು ಯತ್ನಿಸುವಾಗ ಸಾವು ನೋವುಗಳು ನಡೆದಿರುವುದು ಕೂಡಾ ಇದೆ. ಈ ಕದ್ದುಮುಚ್ಚಿ ಕೋಳಿಅಂಕ ಮಾಡುವ ಅನಿವಾರ್ಯವಾದರೂ ನಮಗೆ ಯಾಕಾಗಿ ಬಂದಿದೆ ? ಕಂಬಳ ಮತ್ತು ಜಲ್ಲಿಕಟ್ಟುಗಳಿಗೆ ಕೆಲವು ವಿಶೇಷ ತಿದ್ದುಪಡಿಗಳ ಮೂಲಕ ಭಾರತದಲ್ಲಿ ಅನುಮತಿ ನೀಡಲಾಗಿರುವಾಗ ಕೋಳಿಅಂಕಕ್ಕೆ ಅನುಮತಿ ಸಿಗಲಾರದೇ ? ಯಾವುದೇ ಒಂದು ಕ್ರೀಡೆ ಮೂಲ ಆಶಯದಲ್ಲಿ ಜೂಜು ಆಗಲು ಸಾಧ್ಯವೇ ಇಲ್ಲ ಅದು ಕೇವಲ ಮನರಂಜನೆಯ ಸ್ಪರ್ಧೆಗೆ ಮಾತ್ರ ಸೀಮಿತವಾಗಿರುತ್ತದೆ. ಅದರ ಮೂಲ ಆಶಯ ಮಾತ್ರ ಮನರಂಜನೆ ಮತ್ತು ಸ್ಪೂರ್ತಿ ಹಾಗೂ ಸ್ಪರ್ಧೆ. ಹೀಗಿರುವಾಗ ತುಳುನಾಡಿನ ಪ್ರಾಚೀನ ಕ್ರೀಡೆಯಾದ ಜನಪದದೊಂದಿಗೆ ಹಾಸು ಹೊಕ್ಕಾಗಿರುವ ಅಬಾಲ ವೃದ್ಧರ ಗ್ರಾಮ್ಯ ಮನರಂಜನೆಯ ಮೂಲವಾಗಿರುವ ಕೋಳಿ ಅಂಕಕ್ಕೆ ಜೂಜಿನ ಹಣೆಪಟ್ಟಿ ಕಟ್ಟಿ ನಿಷೇಧಿಸುವುದು ಸರಿಯೇ ಎಂಬುವುದು ವೇದಿಕೆಯ ಪ್ರಶ್ನೆ
ಜೂಜು ಎಲ್ಲಾ ಕ್ರೀಡೆಗಳಲ್ಲಿ ನಡೆಯುತ್ತದೆ; ಕೋಳಿಅಂಕದಲ್ಲಿ ಕಣ್ಣಿಗೆ ರಾಚುತ್ತದೆ ಅಷ್ಟೇ !
ಜೂಜೆಂಬುವುದು ಕ್ರೀಡೆಗಳಿಗೆ ಅಂಟಿಕೊಂಡು ಅದೆಷ್ಠೋ ಸಮಯಗಳೇ ಕಳೆದಿದೆ. ಮಹಾಭಾರತದ ಜ್ಯೂತದಲ್ಲಿ ಸೋತ ಪಾಂಡವರು ಒತ್ತೆಯಿಟ್ಟದ್ದು ದ್ರೌಪದಿಯನ್ನು ಎಂಬುವುದರಿಂದ ಹಿಡಿದು ವಿವಿಧ ಕ್ರೀಡೆಗಳ ಅದರಲ್ಲೂ ಕ್ರಿಕೆಟಿನ ಪ್ರತಿ ಬಾಲು, ಎಸೆತ, ಪ್ರತಿ ಹೊಡೆತಗಳವರೆಗೆ ಜೂಜು ಎಷ್ಟು ಹಾಸು ಹೊಕ್ಕಾಗಿದೆ ಎಂದು ಪ್ರತ್ಯೇಕವಾಗಿ ವಿವರಿಸಿ ಹೇಳಬೇಕಾಗಿಲ್ಲ. ಆದರೆ ಜ್ಯೂತ ಅಥವಾ ಕ್ರಿಕೆಟ್ ಎಂಬುದು ಜೂಜು ಅಥವಾ ಜುಗಾರಿಗಿಂತ ಮುಂಚೇನೆ ಹುಟ್ಟಿರುವುದು ಕೂಡಾ ಅಷ್ಟೇ ಸತ್ಯ ! ಯಾವುದೇ ಪಂದ್ಯ, ಆಟ, ಕ್ರೀಡೆಗಳು ರಂಗೇರಲು ಸ್ಪರ್ಧಾಭಾವ ಜೊತೆಗೆ ಗರಿಗೆದರಲು ಪಂಥಾಹ್ವಾನ ಅನಿವಾರ್ಯವೆಂಬುವುದನ್ನು ಹೌದೆಂದು ಒಪ್ಪಿಕೊಳ್ಳಲೇಬೇಕಾಗುತ್ತದೆ. ಕುದುರೆ ರೇಸು, ಕ್ರಿಕೆಟ್ ಕಂಬಳದಲ್ಲಿ ನಡೆಯುವಷ್ಟು ಜೂಜು ಕೋಳಿಅಂಕದಲ್ಲಿ ಯಾವತ್ತೂ ನಡೆಯುವುದಿಲ್ಲ. ಆದರೆ ಕುದುರೆ ರೇಸು, ಕ್ರಿಕೆಟ್ ಕಂಬಳದಲ್ಲಿ ಇರುವ ವಿಶಾಲವಾದ ವೇದಿಕೆಯಲ್ಲಿ ನಡೆಯುವ ಜೂಜುಗಳು ಅಗೋಚರವಾದರೆ, ಕೋಳಿಅಂಕದಲ್ಲಿ ಇತಿಮಿತಿಯೊಳಗಿನ ಕಳದಲ್ಲಿ ನಡೆಯುವ ಜೂಜು ಕಣ್ಣಿಗೆ ರಾಚುತ್ತದೆ ಅಷ್ಟೆ !
ಎಲ್ಲಾ ತುಳುನಾಡಿನ ಸಂಘಟನೆಗಳು ಜೊತೆಗೂಡಬೇಕು
ಅದೇನೆ ಇರಲಿ ತುಳುನಾಡಿನ ಕೋಳಿ ಅಂಕ ಮತ್ತು ಕಂಬಳವನ್ನು ತುಳುವರಾದ ನಾವು ಕ್ರಿಕೆಟ್ ಕುದುರೆ ರೇಸುಗಳಿಂದಲೂ ಪ್ರತ್ಯೇಕವಾಗಿ ಗುರುತಿಸುವಂತಾಗಬೇಕು. ಅದನ್ನು ಕ್ರೀಡೆ ಎಂಬುದರ ಜೊತೆಗೆ ಮನರಂಜನೆ, ಜನಪದ ಆಚರಣೆ ಎಂಬಿತ್ಯಾದಿ ರೀತಿಯಲ್ಲಿ ಸ್ವೀಕರಿಸುವಂತಾಗಬೇಕು. ಇದಕ್ಕಾಗಿ ಅನೇಕ ಜನಪ್ರತಿನಿಧಿಗಳ ಸಹಿತ ತುಳುವರ ಸಂಘಟನೆಗಳು, ತುಳು ಒಕ್ಕೂಟಗಳು, ಹೊರನಾಡ ತುಳು ಸಂಘಸಂಸ್ಥೆಗಳು, ತುಳು ಜನಪದರು ಪುತ್ತೂರಿನ ಕೋಳಿ ಅಂಕ ಅಭಿಮಾನಿಗಳು ಪ್ರಾರಂಭಿಸಿದ ಹೊಸ ನಿರ್ಧಾರಗಳಿಗೆ ಜೊತೆಗೂಡಬೇಕಾಗಿದೆ ಎಂಬುವುದು ವೇದಿಕೆಯ ಆಶಯವಾಗಿದೆ.
ಕರಾವಳಿಯ ಜನರಿಗೆ ಕೋಳಿಅಂಕ ಸ್ಪರ್ಧೆಯಲ್ಲ; ಒಂದು ಧಾರ್ಮಿಕ ಆಚರಣೆ
ತುಳುನಾಡಿನ ಸಂಸ್ಕೃತಿಯಲ್ಲಿ ದೈವ-ದೇವರು ಮತ್ತು ಕೋಳಿ ಅಂಕಕ್ಕೆ ಅವಿನಾಭಾವ ಸಂಬಂಧವಿದೆ. ಹೊರಗಿನವರಿಗೆ ಇದು ಕೇವಲ ಒಂದು ಸ್ಪರ್ಧೆಯಾಗಿ ಕಂಡರೂ, ಕರಾವಳಿಯ ಜನರಿಗೆ ಇದು ಒಂದು ಧಾರ್ಮಿಕ ಆಚರಣೆ ಮತ್ತು ಭಕ್ತಿಯ ಸೇವೆಯಾಗಿದೆ. ಅನೇಕ ದೈವಸ್ಥಾನಗಳಲ್ಲಿ (ಉದಾಹರಣೆಗೆ: ಜುಮಾದಿ, ಪಂಜುರ್ಲಿ, ಜಾರಂದಾಯ) ವಾರ್ಷಿಕ ನೇಮ ಅಥವಾ ಉತ್ಸವದ ಸಂದರ್ಭದಲ್ಲಿ ಕೋಳಿ ಅಂಕವನ್ನು ನಡೆಸಲೇಬೇಕು ಎಂಬ ನಿಯಮವಿದೆ. ಇದನ್ನು ‘ದೈವದ ಕಳ’ ಅಥವಾ ‘ನೇಮದ ಕೋಳಿ ಅಂಕ’ ಎನ್ನಲಾಗುತ್ತದೆ. ಇದು ದೈವಕ್ಕೆ ಸಲ್ಲಿಸುವ ಒಂದು ಬಗೆಯ “ರಕ್ತ ತರ್ಪಣ” ಅಥವಾ ಹರಕೆ ಎಂದು ನಂಬಲಾಗುತ್ತದೆ. ಕೆಲವು ಕಡೆ ದೈವದ ನೇಮ ನಡೆಯುವ ಮುನ್ನ ಅಥವಾ ನಡೆದ ನಂತರ ಕೋಳಿ ಅಂಕ ನಡೆಯುತ್ತದೆ. ದೈವದ ಪಾತ್ರಿ (ದರ್ಶನ ಪಾತ್ರಿ) ಅಥವಾ ದೈವದ ಚಾಕರಿ ಮಾಡುವವರು ಮೊದಲು ಕೋಳಿಯನ್ನು ಅಂಕಕ್ಕೆ ಬಿಡುವ ಮೂಲಕ ಆಚರಣೆಗೆ ಚಾಲನೆ ನೀಡುತ್ತಾರೆ. ಈ ಸಂದರ್ಭದಲ್ಲಿ ನಡೆಯುವ ಅಂಕದಲ್ಲಿ ಯಾವುದೇ ಹಣದ ಪಣ (ಬೆಟ್ಟಿಂಗ್) ಇರುವುದಿಲ್ಲ, ಇದು ಸಂಪೂರ್ಣವಾಗಿ ಧಾರ್ಮಿಕವಾಗಿರುತ್ತದೆ. ಭಕ್ತರು ತಮ್ಮ ಕಷ್ಟಗಳು ದೂರಾದಾಗ ಅಥವಾ ಕೆಲಸಗಳು ಕೈಗೂಡಿದಾಗ ದೈವಕ್ಕೆ “ಕೋಳಿ ಅಂಕದ ಹರಕೆ” ಹೊರುತ್ತಾರೆ. ಹರಕೆ ತೀರಿಸಲು ನಿರ್ದಿಷ್ಟ ದೈವದ ಸನ್ನಿಧಿಯಲ್ಲಿ ತಮ್ಮ ಹುಂಜವನ್ನು ಅಂಕಕ್ಕೆ ಬಿಡುತ್ತಾರೆ.
ಹಠಕ್ಕೆ ಬಿದ್ದು ಹೋರಾಟ ಮಾಡಿದರೆ ಕೋಳಿ ಅಂಕವನ್ನು ಉಳಿಸಿಕೊಳ್ಳಲು ಸಾಧ್ಯವಿದೆ
ಈ ನಿಟ್ಟಿನಲ್ಲಿ ಪುತ್ತೂರಿನ ತುಳುವರು ಕರಾವಳಿಗರನ್ನು ಜೊತೆ ಸೇರಿಸಿಕೊಂಡು ತಮ್ಮ ಸಾಂಪ್ರದಾಯಿಕ ಆಚರಣೆಯನ್ನು ಉಳಿಸಿಕೊಳ್ಳಬೇಕೆಂಬ ಸದುದ್ದೇಶದಿಂದ ನಮ್ಮ ತುಳುನಾಡ ಸಂಸ್ಕೃತಿ ಕ್ರೀಡೆ ಆಚರಣೆಗಳ ಉಳಿವಿಗಾಗಿ ಎಂಬ ಧ್ಯೇಯ ವಾಕ್ಯದೊಂದಿಗೆ ʼಸಾಂಪ್ರದಾಯಿಕ ಆಚರಣಾ ಹಿತರಕ್ಷಣಾ ವೇದಿಕೆ ದ.ಕ.ʼ ಎಂಬ ಸಮಿತಿಯನ್ನು ಹುಟ್ಟುಹಾಕಿ ಫೆ.1ರಂದು ಪುತ್ತೂರು ಕೊಟೆಚಾ ಸಭಾ ಭವನದಲ್ಲಿ ಸಮಾಲೋಚನಾ ಸಭೆ ನಡೆಸಿದ್ದಾರೆ. ನೂರಾರು ಮಂದಿ ಸೇರಿದ ಈ ಬಿಂಕದ ತುಳುವರ ಸಭೆಯಲ್ಲಿ ತುಳು ಭಾಷೆ ಹಾಗೂ ಸಂಸ್ಕೃತಿಯ ಉಳಿವಿಗಾಗಿ ಸದನದಲ್ಲಿ ಧ್ವನಿಯೆತ್ತುತ್ತಲೇ ಬಂದ ಪುತ್ತೂರು ಶಾಸಕ ಅಶೋಕ್ ಕುಮಾರ್ ರೈ ಯವರು ಭಾಗವಹಿಸಿದ್ದಾರೆ. ಕೋಳಿ ಅಂಕಕ್ಕೆ ಮಹಿಳೆಯರ ವಿರೋಧವಿದೆ ಎಂಬುವುದು ಗೊತ್ತು, ಅದಾಗ್ಯೂ ಜೂಜು ರಹಿತ ಕೋಳಿ ಅಂಕದ ಬಗ್ಗೆ ಮಾತ್ರ ನಾನು ಮಾತಾನಾಡುತ್ತಿದ್ದೇನೆ ಎಂದು ವೇದಿಕೆಯಲ್ಲಿ ಮಾತು ಪ್ರಾರಂಭಿಸಿದ ರೈಯವರು ಕೋಳಿ ಅಂಕಕ್ಕೆ ಹೋಗುವವರು ರೈತರು… ಎದೆತಟ್ಟಿ ನಾವು ರೈತರೆಂದು ಹೇಳುತ್ತಾ, ಕೋಳಿ ಅಂಕದ ಹೋರಾಟಕ್ಕೆ ಬನ್ನಿ ಎಂದು ಉಭಯ ಜಿಲ್ಲೆಗಳ 12 ಶಾಸಕರ ಮನೆಯ ಕದವನ್ನು ಬಡಿದು ಹೋರಾಟಕ್ಕೆ ಕರೆಯಿರಿ, ಕರಾವಳಿಯ 12 ಶಾಸಕರು ಸದನದಲ್ಲಿ ಪ್ರಶ್ನಿಸಿದರೆ ಖಂಡಿತಾ ನಮ್ಮ ಜೂಜುರಹಿತ ಸಾಂಪ್ರದಾಯಿಕ ಕೋಳಿ ಅಂಕವನ್ನು ಉಳಿಸಿಕೊಳ್ಳಲು ಸಾಧ್ಯವಿದೆ. ನಮ್ಮನ್ನು ( ಶಾಸಕರನ್ನು) ಉಪಯೋಗಿಸಿಕೊಂಡು ಹಠ ಬಿದ್ದು ಹೋರಾಟ ಮಾಡಿ ಎಂದು ಹೋರಾಟಗಾರರನ್ನು ಹುರಿದುಂಬಿಸಿದರು. ಶಾಸಕರ ಮಾತುಗಳನ್ನು ಕೇಳಿದ ಕೋಳಿಅಂಕದ ಅಭಿಮಾನಿಗಳ ಮುಖದಲ್ಲಿ ಸಂತಸದೊಂದಿಗೆ ಸಭೆ ಮುಕ್ತಾಯವಾಗಿದೆ.
ಕಾನೂನು ಚೌಕಟ್ಟಿನೊಳಗಡೆ ನಿಷೇಧವಾಗಿದ್ದ ಕೋಳಿ ಅಂಕಕ್ಕೂ ಕಟ್ಟುನಿಟ್ಟಿನ ನಿರ್ಬಂಧ
ಕೋಮು ದಳ್ಳುರಿಯಿಂದ ದಗದಗನೆ ಉರಿಯುತ್ತಿದ್ದ ಕರಾವಳಿಯನ್ನು ಕೇವಲ 6 ತಿಂಗಳಿನಲ್ಲಿಯೇ ಒಂದು ಮಾದರಿ ಶ್ರದ್ದಾಕೆಂದ್ರವಾಗಿ ಮಾಡುವ ಸಾಹಸಕ್ಕೆ ಕೈಹಾಕಿ ಯಶಸ್ವಿಯಾದ ಐಪಿಎಸ್ ಅಧಿಕಾರಿಗಳಾದ ಸುಧೀರ್ ಕುಮಾರ್ ರೆಡ್ಡಿ ಮತ್ತು ಡಾ. ಅರುಣ್ ಅವರು ಜಿಲ್ಲೆಯ ಹಲವಾರು ಅನಿಷ್ಟ ಪದ್ದತಿಗಳಿಗೆ ಕಾನೂನು ಕೈಕೋಲವನ್ನು ತೊಡಿಸಿ ನೆನೆಗುದಿಗೆ ಬಿದ್ದಿದ್ದ ಸಂವಿಧಾನದ ಆಡಳಿತಾತ್ಮಕ ಸೂತ್ರಗಳನ್ನು ಜಾರಿ ಗೊಳಿಸುವಾಗ ಕಾನೂನು ಚೌಕಟ್ಟಿನೊಳಗಡೆ ನಿಷೇಧವಾಗಿದ್ದ ಕೋಳಿ ಅಂಕಕ್ಕೂ ಕಟ್ಟುನಿಟ್ಟಿನ ನಿರ್ಬಂಧವಾಗಿದೆ. ಎಂಬುವುದು ಎಲ್ಲರಿಗೂ ಗೊತ್ತು.
ಪ್ರಾಣಿಗಳ ಮೇಲಿನ ಕ್ರೌರ್ಯ ತಡೆ ಕಾಯ್ದೆ, 1960: ಕೋಳಿ ಕಾದಾಟ ಅಪರಾಧವಾಗಿದೆ
ಕೋಳಿ ಅಂಕ (Cockfighting) ಎನ್ನುವುದು ಭಾರತದ ಸಂಪ್ರದಾಯ ಮತ್ತು ಕಾನೂನಿನ ನಡುವೆ ಇರುವ ಒಂದು ಸೂಕ್ಷ್ಮ ವಿಷಯವಾಗಿದ್ದು, ಕಾನೂನಾತ್ಮಕವಾಗಿ ಕೋಳಿ ಅಂಕವನ್ನು ಸಂಪೂರ್ಣವಾಗಿ ನಿಷೇಧಿಸಲಾಗಿದೆ. ಪ್ರಾಣಿಗಳ ಮೇಲಿನ ಕ್ರೌರ್ಯ ತಡೆ ಕಾಯ್ದೆ, 1960: ಈ ಕಾಯ್ದೆಯ ಪ್ರಕಾರ ಪ್ರಾಣಿ ಅಥವಾ ಪಕ್ಷಿಗಳನ್ನು ಪರಸ್ಪರ ಕಾದಾಟಕ್ಕೆ ಬಿಡುವುದು, ಅದರಲ್ಲಿ ಬೆಟ್ಟಿಂಗ್ ಕಟ್ಟುವುದು ಅಥವಾ ಅಂತಹ ಪಂದ್ಯಗಳನ್ನು ಆಯೋಜಿಸುವುದು ಅಪರಾಧ. ಸುಪ್ರೀಂ ಕೋರ್ಟ್ ತೀರ್ಪುನ ಪ್ರಕಾರ ಪ್ರಾಣಿಗಳ ಹಕ್ಕುಗಳನ್ನು ಎತ್ತಿ ಹಿಡಿಯುವ ನಿಟ್ಟಿನಲ್ಲಿ, ಯಾವುದೇ ರೀತಿಯ ಪ್ರಾಣಿ ಕಾದಾಟದ ಕ್ರೀಡೆಗಳು ಕಾನೂನುಬಾಹಿರ ಎಂದು ನ್ಯಾಯಾಲಯವು ಸ್ಪಷ್ಟಪಡಿಸಿದೆ. ಕರ್ನಾಟಕದ ಕರಾವಳಿ ಭಾಗಗಳಲ್ಲಿ (ದಕ್ಷಿಣ ಕನ್ನಡ, ಉಡುಪಿ) ಮತ್ತು ಗಡಿ ಭಾಗಗಳಲ್ಲಿ ಕೋಳಿ ಅಂಕವು ಸಾಂಪ್ರದಾಯಿಕವಾಗಿ ನಡೆಯುತ್ತಲೇ ಇತ್ತು. ಆದರೆ ಕೋಳಿ ಅಂಕ ನಡೆಸಲು ಸಿದ್ಧತೆ ನಡೆಸಿದರೆ ಪೊಲೀಸರು ಅಂತಹ ಸ್ಥಳಗಳ ಮೇಲೆ ದಾಳಿ ಮಾಡುತ್ತಲೇ ಇದ್ದರು. ಕಾರಣ ಕೋಳಿ ಅಂಕ ಕೇವಲ ಕ್ರೀಡೆಯಾಗಿ ಉಳಿಯದೆ, ಅಲ್ಲಿ ಲಕ್ಷಾಂತರ ರೂಪಾಯಿಗಳ ಜೂಜು ನಡೆಯುವುದರಿಂದ ಕರ್ನಾಟಕ ಪೊಲೀಸ್ ಕಾಯ್ದೆಯಡಿ ಕೂಡ ಇದನ್ನು ನಿಷೇಧಿಸಲಾಗಿದೆ.ಕಾನೂನು ಕೋಳಿ ಅಂಕವನ್ನು ಏಕೆ ನಿಷೇಧಿಸಿದೆ ಎಂದರೆ ಒಂದನೆಯದಾಗಿ ಕೋಳಿಗಳ ಕಾಲಿಗೆ ಚೂಪಾದ ಕತ್ತಿ (ಬಾಳ್) ಅಥವಾ ಮುಳ್ಳುಗಳನ್ನು ಕಟ್ಟುವುದು. ಮತ್ತು ಎರಡನೇಯದಾಗಿ ಪಂದ್ಯದಲ್ಲಿ ಒಂದು ಕೋಳಿ ಸಾಯುವವರೆಗೆ ಅಥವಾ ತೀವ್ರವಾಗಿ ಗಾಯಗೊಳ್ಳುವವರೆಗೆ ಹೋರಾಡಿಸುವುದು. ಇದು ಪ್ರಾಣಿಗಳ ಮೇಲಿನ ಕ್ರೌರ್ಯ ತಡೆ ಕಾಯ್ದೆ, 1960 ಪ್ರಕಾರ ಅಪರಾಧವಾಗುತ್ತದೆ.
ಕಂಬಳ ಜಲ್ಲಿಕಟ್ಟುಗಳಿಗೆ ಇಲ್ಲದ ನಿಷೇಧ ಕೋಳಿ ಅಂಕಕ್ಕೆ ಯಾಕೆ ?
ಕೋಳಿ ಅಂಕಕ್ಕೆ ನಿಷೇಧವಿದ್ದರೂ, ಕಂಬಳ ಮತ್ತು ಜಲ್ಲಿಕಟ್ಟುಗಳಿಗೆ ಕೆಲವು ವಿಶೇಷ ತಿದ್ದುಪಡಿಗಳ ಮೂಲಕ ಭಾರತದಲ್ಲಿ ಅನುಮತಿ ನೀಡಲಾಗಿದೆ ಯಾಕೆಂದರೆ ಕಂಬಳ ಮತ್ತು ಜಲ್ಲಿಕಟ್ಟು ಮೂಲತಃ ಕ್ರೀಡೆಗಳಾಗಿವೆ, ಇಲ್ಲಿ ಕೋಳಿ ಅಂಕದಂತೆ ದೊಡ್ಡ ಮಟ್ಟದ ವ್ಯವಸ್ಥಿತ ಜೂಜಾಟ ಕಾನೂನಿನ ಕಣ್ಣಿನಲ್ಲಿ ಅಷ್ಟಾಗಿ ಗೋಚರಿಸುವುದಿಲ್ಲ. ಪ್ರಾಣಿಯ ಸಾವು ಸಂಭವಿಸುವುದಿಲ್ಲ: ಈ ಕ್ರೀಡೆಗಳಲ್ಲಿ ಪ್ರಾಣಿಗಳು ಸಾಯುವ ಉದ್ದೇಶವಿರುವುದಿಲ್ಲ (ಅವುಗಳನ್ನು ಕೇವಲ ಓಡಿಸಲಾಗುತ್ತದೆ ಅಥವಾ ಹಿಡಿಯಲಾಗುತ್ತದೆ). ಈ ಕ್ರೀಡೆಗಳು ಆಯಾ ಪ್ರದೇಶದ ರೈತರ ಸಂಸ್ಕೃತಿ ಮತ್ತು ಪಶುಸಂಗೋಪನೆಯೊಂದಿಗೆ ಬೆಸೆದುಕೊಂಡಿವೆ ಎಂದು ಸರ್ಕಾರಗಳು ವಾದ ಮಂಡಿಸಿವೆ. ಹಾಗೆಂದು ಯಾವುದೇ ಕ್ರೀಡೆಯಲ್ಲಿ ಪ್ರಾಣಿಗಳಿಗೆ ರಕ್ತ ಬರುವಂತಹ ಗಾಯವಾದರೆ ಅಥವಾ ಉದ್ದೇಶಪೂರ್ವಕವಾಗಿ ಹಿಂಸೆ ನೀಡಿದ್ದು ಕಂಡುಬಂದರೆ, ಅಂತಹ ಆಯೋಜಕರ ವಿರುದ್ಧ ಎಫ್ಐಆರ್ (FIR) ದಾಖಲಿಸಲು ಮತ್ತು ಕ್ರೀಡೆಯನ್ನು ತಕ್ಷಣವೇ ನಿಲ್ಲಿಸಲು ಕಾನೂನಿನಲ್ಲಿ ಅವಕಾಶವಿದೆ.
ಮಂಜೋಟಿ ಏರಿದ ಕಂಬಳವನ್ನು ಗಂತಿಗೆ ತಂದು ನಿಲ್ಲಿಸಿದವರು ಇದೇ ಆಶೋಕಣ್ಣ
2014ರಲ್ಲಿ ಸುಪ್ರೀಂ ಕೋರ್ಟ್ ತಮಿಳುನಾಡಿನ ‘ಜಲ್ಲಿಕಟ್ಟು’ ಕ್ರೀಡೆಯನ್ನು ನಿಷೇಧಿಸಿದ ಬೆನ್ನಲ್ಲೇ, ಕರ್ನಾಟಕದಲ್ಲಿ ಕಂಬಳದ ಮೇಲೂ ನಿರ್ಬಂಧಗಳು ಬಂದವು. ಆ ನಂತರ ಕಂಬಳವು ಕರಾವಳಿ ಜನರ ಸಂಸ್ಕೃತಿ ಮತ್ತು ಧಾರ್ಮಿಕ ನಂಬಿಕೆಯ ಅವಿಭಾಜ್ಯ ಅಂಗವಾಗಿದ್ದರಿಂದ ನಿಷೇಧದ ವಿರುದ್ಧ ಬೃಹತ್ ಪ್ರತಿಭಟನೆಗಳು ನಡೆದವು. ರಾಜ್ಯ ಸರ್ಕಾರವು ‘ಪ್ರಾಣಿ ಹಿಂಸೆ ತಡೆ ಕಾಯ್ದೆ’ಗೆ ತಿದ್ದುಪಡಿ ತಂದು, ಕಂಬಳವನ್ನು “ಸಾಂಪ್ರದಾಯಿಕ ಕ್ರೀಡೆ” ಎಂದು ಪರಿಗಣಿಸಿ 2017ರಲ್ಲಿ ವಿಶೇಷ ಸುಗ್ರೀವಾಜ್ಞೆ ಹೊರಡಿಸಿತು. ಸುದೀರ್ಘ ವಿಚಾರಣೆಯ ನಂತರ, ಮೇ 18, 2023 ರಂದು ಸುಪ್ರೀಂ ಕೋರ್ಟ್ನ ಸಂವಿಧಾನ ಪೀಠವು ಕಂಬಳಕ್ಕೆ ನೀಡಿದ ರಾಜ್ಯ ಸರ್ಕಾರದ ಅನುಮತಿಯನ್ನು ಎತ್ತಿ ಹಿಡಿಯಿತು ಎಂಬುವುದು ನಮಗೆಲ್ಲಾ ತಿಳಿದಿರುವ ವಿಚಾರ. ಇದರ ಹಿಂದೆ ಮಂಜೋಟಿ ಏರಿದ ಕಂಬಳವನ್ನು ಗಂತಿಗೆ ತಂದು ನಿಲ್ಲಿಸಿದವರು ಇದೇ ಆಶೋಕಣ್ಣ ಎಂಬುವುದು ಈಗ ಜನಜನಿತ.
ಶಾಸಕರ ಮಾರ್ಗದರ್ಶನದಲ್ಲಿ ಮುಂದುವರಿಯುವುದು ಮಾತ್ರ ಹೋರಾಟಗಾರರಿಗೆ ಉಳಿದಿರುವ ಒಂದೇ ಒಂದು ದಾರಿ !
ಸಮಾಲೋಚನಾ ಸಭೆಯಲ್ಲಿ ಶಾಸಕರು ಒಂದು ಮಾತಿನ ಭರವಸೆ ನೀಡಿದ್ದಾರೆ. ಹೋರಾಟಗಾರರು ಉಭಯ ಜಿಲ್ಲೆಗಳ 13 ಶಾಸಕರ ಮನೆಯ ಕದವನ್ನು ತಟ್ಟಿ ಸಾಂಪ್ರಾದಾಯಿಕ ಆಚರಣೆಯನ್ನು ಉಳಿಸಿಕೊಳ್ಳಲು ಧ್ವನಿ ಎತ್ತುವಂತೆ ಮಾಡಿ, ಸದನದಲ್ಲಿ ಪ್ರಶ್ನಿಸೋಣ ಸದನದಲ್ಲಿ ಎಲ್ಲಾ ಶಾಸಕರು ಮಾತನಾಡಿದರೆ ಸಾಂಪ್ರದಾಯಿಕ ಆಚರಣೆಯನ್ನು ಉಳಿಸಿಕೊಳ್ಳಲು ಸಾಧ್ಯವಿಲ್ಲವೇ ? ಎಂದು ಪ್ರಶ್ನಿಸಿದ್ದಾರೆ ಅಂದರೆ ಸಾಧ್ಯವಿದೆ ಎಂಬುವುದನ್ನು ರೈಯವರು ವೇದಿಕೆಯವರಿಗೆ ಪರೋಕ್ಷವಾಗಿ ತಿಳಿಸಿದ್ದಾರೆ. ಜೊತೆಗೆ ಬೇಕಾಗಿರುವುದು ಹಠ ಸಾಧನೆ ಎಂಬುವುದನ್ನೂ ಹೇಳುವುದಕ್ಕೆ ಮರೆಯಲಿಲ್ಲ. ಶಾಸಕರ ಮಾರ್ಗದರ್ಶನದಲ್ಲಿ ಮುಂದುವರಿಯುವುದು ಮಾತ್ರ ಹೋರಾಟಗಾರರಿಗೆ ಉಳಿದಿರುವ ಒಂದೇ ಒಂದು ದಾರಿ ! ಇಲ್ಲವಾದರೆ ಕಾನೂನು ಕಟ್ಟಳೆಗಳು ಬಂಟನಾಗಿ ಹೋರಾಟಗಾರರು ಒಟ್ಟೆಯಾಗುತ್ತಾರೆ. ಕೊನೆಯದಾಗಿ ಸಾಂಪ್ರದಾಯಿಕ ಜೂಜುರಹಿತ ಕೋಳಿಅಂಕಕ್ಕೆ ಕಾನೂನಿನಲ್ಲಿ ಅವಕಾಶ ಸಿಗಲಿ ಎಂದು ದೈವ ದೇವರಲ್ಲಿ ಪ್ರಾರ್ಥಿಸುತ್ತಾ ಮತ್ತೆ ಸಿಗೋಣ ಕಳದಲ್ಲಿ.. ಕೋಳಿಅಂಕದ ಕಳದಲ್ಲಿ ?
ಮೂವತ್ತು ದಿನಗಳ ಹಿಂದೆ 43 ಅಡಿ ಆಳದ ಬಾವಿಗೆ ಬಿದ್ದು ಪವಾಡಸದೃಶ ರೀತಿಯಲ್ಲಿ ಬದುಕುಳಿದ ಗೋಮಾತೆ “ಸಿರಿ” ಇಂದು ಹೆಣ್ಣು ಕರುವಿಗೆ ಜನ್ಮ ನೀಡಿದ ಪವಾಡಸದೃಶ ಗೋವು “ಸಿರಿ” ಕಥೆ – 43 ಅಡಿ ಬಾವಿಯಿಂದ ಹೆಣ್ಣು ಕರುವಿನ ಜನನದವರೆಗೆ…
ವಿಟ್ಲ: ಇದು ನಿಜಕ್ಕೂ ಗೋಮಾತೆಯ ಪವಾಡ, ಮಾನವೀಯತೆಯ ಗೆಲುವು. ಒಂದು ತಿಂಗಳ ಹಿಂದೆ ಯಮಲೋಕದ ಬಾಗಿಲು ತಟ್ಟಿ ಬಂದಿದ್ದ ಗರ್ಭಿಣಿ ಗೋವು ಇಂದು ಮುದ್ದಾದ ಕರುವಿಗೆ ಜನ್ಮ ನೀಡಿ ತನ್ನ ಮನೆಯವರ ಜೊತೆಗೆ ಇಡೀ ಗ್ರಾಮಸ್ಥರ ಮೊಗದಲ್ಲೂ ನಗು ಮೂಡಿಸಿದೆ.
ಮೊದಲ ದುರಂತ: ಜೂನ್ 24ರಂದು ನಡೆದಿದ್ದೇನು?
ಕೇಪು ಗ್ರಾಮದ ಕುದ್ದುಪದವು ಎಂಬಲ್ಲಿ ಕಾಸಿಂ ಎಂಬವರ ಮನೆಯ ಸಮೀಪ ಆವರಣ ಗೋಡೆಯಿಲ್ಲದ ಸುಮಾರು 43 ಅಡಿ ಆಳದ ತೆರೆದ ಬಾವಿ ಇದೆ. ಅಳಿಕೆ ಗ್ರಾಮದ ಎರುಂಬು ಕಾಲೋನಿ ನಿವಾಸಿ ಸದಾನಂದ ಶೆಟ್ಟಿ ಅವರಿಗೆ ಸೇರಿದ “ಸಿರಿ” ಹೆಸರಿನ ಎಂಟು ತಿಂಗಳ ಗರ್ಭಿಣಿ ಹಸು ಜೂನ್ 24ರಂದು ಮಧ್ಯಾಹ್ನ ಮೇಯಲು ಬಿಟ್ಟಾಗ ಆಕಸ್ಮಿಕವಾಗಿ ಈ ಬಾವಿಗೆ ಬಿದ್ದಿತ್ತು. ಬಾವಿಯಲ್ಲಿ ನೀರಿತ್ತು, ಹಸು ಬದುಕುಳಿಯಲು ಒದ್ದಾಡುತ್ತಾ ಗೋಳಿಡುತ್ತಿತ್ತು. ವಿಷಯ ತಿಳಿದು ಧಾವಿಸಿದ ಮನೆಯವರು ಮತ್ತು ಸಾರ್ವಜನಿಕರಿಗೆ ಹಸುವನ್ನು ಮೇಲಕ್ಕೆತ್ತುವುದು ಅಸಾಧ್ಯವಾಗಿತ್ತು. ಬಾವಿಯ ಮಣ್ಣು ಕುಸಿದು ಬೀಳುವ ಹಂತದಲ್ಲಿದ್ದ ಕಾರಣ ಕಾರ್ಯಾಚರಣೆ ಮತ್ತಷ್ಟು ಸವಾಲಾಗಿತ್ತು.
5 ಗಂಟೆಗಳ ರೋಚಕ ರಕ್ಷಣಾ ಕಾರ್ಯಾಚರಣೆ
ತಕ್ಷಣವೇ ವಿಟ್ಲದ ಆಪತ್ಬಾಂಧವ ಮುರಳೀಧರ ವಿಟ್ಲ ನೇತೃತ್ವದ “ಫ್ರೆಂಡ್ಸ್ ವಿಟ್ಲ” ತಂಡಕ್ಕೆ ಮಾಹಿತಿ ನೀಡಲಾಯಿತು. ಇದು ಸಾಮಾನ್ಯ ರಕ್ಷಣೆಯಾಗಿರಲಿಲ್ಲ. ಹೊಟ್ಟೆಯಲ್ಲಿ 8 ತಿಂಗಳ ಕರುವಿದ್ದ ಕಾರಣ ಹಗ್ಗದಿಂದ ಎಳೆದರೆ ಗರ್ಭಕ್ಕೆ ಹಾನಿಯಾಗುವ ಭಯವಿತ್ತು. ತಂಡದ ಮುಖಂಡ ಮುರಳೀಧರ ಅವರು ತಮ್ಮ ಪ್ರಾಣದ ಹಂಗು ತೊರೆದು ಮೂರು ಬಾರಿ 43 ಅಡಿ ಆಳದ ಬಾವಿಗೆ ಇಳಿದು, ನೀರಿನಲ್ಲಿ ಮುಳುಗದಂತೆ ಹಸುವಿನ ಹೊಟ್ಟೆಯ ಭಾಗಕ್ಕೆ ಹಗ್ಗ ಕಟ್ಟಿ ಆಧಾರ ನೀಡಿದರು.
ಬಳಿಕ ವಿಟ್ಲದ ವಿಘ್ನೇಶ್ವರ ಕ್ರೇನ್ ಸರ್ವಿಸ್ ಮಾಲೀಕರನ್ನು ಸ್ಥಳಕ್ಕೆ ಕರೆಸಲಾಯಿತು. ಹಸುವಿನ ಹೊಟ್ಟೆ, ಎದೆ ಮತ್ತು ಕುತ್ತಿಗೆ ಭಾಗಕ್ಕೆ ಅತ್ಯಂತ ಸುರಕ್ಷಿತವಾಗಿ ಬೆಲ್ಟ್ ಅಳವಡಿಸಿ, ಕ್ರೇನ್ ಮೂಲಕ ಸುಮಾರು 3 ರಿಂದ 5 ಗಂಟೆಗಳ ಸತತ ಕಾರ್ಯಾಚರಣೆಯ ನಂತರ “ಸಿರಿ”ಯನ್ನು ಜಾಗರೂಕತೆಯಿಂದ ಮೇಲಕ್ಕೆತ್ತಲಾಯಿತು.
ಸ್ಥಳದಲ್ಲೇ ತುರ್ತು ಚಿಕಿತ್ಸೆ
ಹಸು ಮೇಲಕ್ಕೆ ಬಂದ ತಕ್ಷಣವೇ ಅಡ್ಯನಡ್ಕದ ಪಶು ಪರಿವೀಕ್ಷಕರಾದ ಲಕ್ಷ್ಮಣ ಅವರ ಸೂಚನೆಯಂತೆ ಪಶುಸಂಗೋಪನಾ ಇಲಾಖೆಯ 1962 ತುರ್ತು ಆಂಬ್ಯುಲೆನ್ಸ್ ಸೇವೆಯನ್ನು ಕರೆಸಲಾಯಿತು. ತುರ್ತು ಚಿಕಿತ್ಸಕರಾದ ಡಾ. ಸುನಿಲ್ ಬಂಟ್ವಾಳ, ಚಾಲಕ ಜಯಗಣೇಶ್ ಅವರ ತಂಡ ರಕ್ತನಾಳದ ಮೂಲಕ ಗ್ಲೂಕೋಸ್ ಮತ್ತು ಔಷಧಿ ನೀಡಿ ಪ್ರಥಮ ಚಿಕಿತ್ಸೆ ನೀಡಿತು. 43 ಅಡಿ ಆಳಕ್ಕೆ ಬಿದ್ದರೂ ಸಿರಿಯ ದೇಹಕ್ಕೆ ದೊಡ್ಡ ಗಾಯಗಳಾಗಿರಲಿಲ್ಲ, ಕಾಲುಗಳಿಗೆ ಸಣ್ಣಪುಟ್ಟ ಗಾಯಗಳಾಗಿದ್ದವು ಎಂದು ವೈದ್ಯರು ತಿಳಿಸಿದ್ದರು. ಆದರೂ ಗರ್ಭದಲ್ಲಿದ್ದ ಕರುವಿನ ಬಗ್ಗೆ ಆತಂಕವಿತ್ತು. ಮುಂದಿನ 72 ಗಂಟೆಗಳ ಕಾಲ ತೀವ್ರ ನಿಗಾದಲ್ಲಿ ಇರಿಸಿ ಚಿಕಿತ್ಸೆ ನೀಡಿದ ಬಳಿಕ ಸಿರಿ ಆರೋಗ್ಯವಾಗಿರುವುದು ದೃಢಪಟ್ಟಿತ್ತು.
30 ದಿನಗಳ ನಂತರ – ಇಂದು ಸಿಹಿ ಸುದ್ದಿ!
ಆ ದಿನ ಬದುಕುಳಿದರೂ ಹೊಟ್ಟೆಯಲ್ಲಿದ್ದ ಕರುವಿಗೆ ತೊಂದರೆಯಾಗಿರಬಹುದು ಎಂದು ಬಹುತೇಕರು ಭಾವಿಸಿದ್ದರು. ಆದರೆ ಆತಂಕಗಳನ್ನೆಲ್ಲ ಸುಳ್ಳು ಮಾಡಿ, ಜುಲೈ 25, ಶನಿವಾರ ಬೆಳಿಗ್ಗೆ “ಸಿರಿ” ಸಾಮಾನ್ಯ ಹೆರಿಗೆಯ ಮೂಲಕ ಮುದ್ದಾದ ಹೆಣ್ಣು ಕರುವಿಗೆ ಜನ್ಮ ನೀಡಿದೆ.
ಯಮಲೋಕದ ಕದ ತಟ್ಟಿ ಬಂದ ತಾಯಿ ಮತ್ತು ಮಗು ಇಬ್ಬರೂ ಆರೋಗ್ಯವಾಗಿದ್ದಾರೆ. ಕಳೆದ ಒಂದು ತಿಂಗಳಿನಿಂದ ಆತಂಕದಲ್ಲಿ ದಿನ ಕಳೆದ ಸದಾನಂದ ಶೆಟ್ಟಿ ದಂಪತಿಯ ಮನೆಯಲ್ಲಿ ಈಗ ಸಂಭ್ರಮವೋ ಸಂಭ್ರಮ.
ಈ ಪವಾಡಸದೃಶ ಜನನದ ಹಿನ್ನೆಲೆಯಲ್ಲಿ ಸದಾನಂದ ಶೆಟ್ಟಿ ದಂಪತಿ ತಮ್ಮ ಗೋಮಾತೆಯನ್ನು ರಕ್ಷಿಸಿದ ಫ್ರೆಂಡ್ಸ್ ವಿಟ್ಲ ತಂಡದ ಮುರಳೀಧರ ಮತ್ತು ಬಳಗ, ವಿಘ್ನೇಶ್ವರ ಕ್ರೇನ್ ಸಂಸ್ಥೆಯ ಮಾಲಕರು ಹಾಗೂ ಪಶುವೈದ್ಯರ ತಂಡವಾದ ಡಾ. ಸುನಿಲ್ ಅವರಿಗೆ ಮನತುಂಬಿ ಕೃತಜ್ಞತೆ ಸಲ್ಲಿಸಿದ್ದಾರೆ.
ಮೂಕ ಜೀವದ ಮೇಲಿನ ಪ್ರೀತಿ, ಮಾನವೀಯತೆ ಇನ್ನೂ ಜೀವಂತವಾಗಿದೆ ಎಂಬುದಕ್ಕೆ “ಸಿರಿ”ಯ ಕಥೆಯೇ ಸಾಕ್ಷಿ.
Article
ಬಂಗಾರ ಅಡವಿಟ್ಟು ಕಟ್ಟಿದ ಪುಟ್ಟ ಆಸರೆಗೆ ಕುತ್ತು: ಬಂಟ್ವಾಳದ ಪಂಜಕಲ್ಲು ಗ್ರಾಮದ ಬಡ ಕುಟುಂಬವನ್ನು ಬೀದಿಗೆ ತಳ್ಳಲು ಸಂಚು? ತಹಶೀಲ್ದಾರ್ ಮೆಟ್ಟಿಲೇರಿದ ನಿರ್ಗತಿಕರು!
ಬಂಟ್ವಾಳ: ನಾಲ್ಕು ಗೋಡೆಗಳ ಮಧ್ಯೆ ನೆಮ್ಮದಿಯ ಬದುಕು ಕಟ್ಟಿಕೊಳ್ಳಲು ತನ್ನಲ್ಲಿದ್ದ ಅಲ್ಪಸ್ವಲ್ಪ ಚಿನ್ನವನ್ನೇ ಅಡವಿಟ್ಟು ಪುಟ್ಟದೊಂದು ಶೀಟಿನ ಮನೆ ನಿರ್ಮಿಸಿಕೊಂಡ ಬಡ ಕುಟುಂಬವೊಂದನ್ನು ಕೆಲ ರಾಜಕೀಯ ಪ್ರಭಾವಿಗಳು ಹಾಗೂ ಸ್ಥಳೀಯ ವ್ಯಕ್ತಿ ಸೇರಿಕೊಂಡು ಬೀದಿಗೆ ತಳ್ಳಲು ಯತ್ನಿಸುತ್ತಿರುವ ಧಾರುಣ ಘಟನೆ ಬಂಟ್ವಾಳ ತಾಲೂಕಿನ ಪಂಜಕಲ್ಲು ಗ್ರಾಮದಿಂದ ವರದಿಯಾಗಿದೆ. ತಮಗಿರುವ ಏಕೈಕ ಆಸರೆಯನ್ನು ಉಳಿಸಿಕೊಡುವಂತೆ ಆಗ್ರಹಿಸಿ ನೊಂದ ಕುಟುಂಬವು ಇದೀಗ ಬಂಟ್ವಾಳ ತಹಶೀಲ್ದಾರರ ಮೊರೆ ಹೋಗಿದೆ.
ಚಿನ್ನ ಅಡವಿಟ್ಟು ಕಟ್ಟಿದ ಮನೆಗೆ ಹೊಟ್ಟೆಕಿಚ್ಚಿನ ಕಣ್ಣು: ಪಂಜಕಲ್ಲು ಗ್ರಾಮದ ಸರ್ವೆ ನಂ. 87/* ರಲ್ಲಿರುವ ಸರ್ಕಾರಿ ಜಾಗದಲ್ಲಿ ಕಾವ್ಯ ಮತ್ತು ವಿಶ್ವನಾಥ್ ದಂಪತಿ ಕಳೆದ 4 ವರ್ಷಗಳಿಂದ ಸುಮಾರು 200 ಚದರ ಅಡಿಯ ಪುಟ್ಟ ಸಿಮೆಂಟ್ ಶೀಟಿನ ಮನೆಯಲ್ಲಿ ವಾಸಿಸುತ್ತಿದ್ದಾರೆ. ಸ್ವಂತ ಜಾಗವಾಗಲಿ, ವಾಸಿಸಲು ಬೇರೆ ಮನೆಯಾಗಲಿ ಇಲ್ಲದ ಈ ದಂಪತಿ, ತಮಗಿದ್ದ ಅಲ್ಪಸ್ವಲ್ಪ ಚಿನ್ನವನ್ನು ವಾಮದಪದವಿನ ವರ್ತಕರ ಬ್ಯಾಂಕ್ನಲ್ಲಿ ಅಡವಿಟ್ಟು ಸುಮಾರು 2 ಲಕ್ಷ ರೂಪಾಯಿ ಸಾಲ ಪಡೆದು ಈ ಮನೆಯನ್ನು ಕಟ್ಟಿಕೊಂಡಿದ್ದರು. ಆದರೆ, ಈ ಬಡ ಕುಟುಂಬದ ನೆಮ್ಮದಿಯನ್ನು ಸಹಿಸದ ಸ್ಥಳೀಯ ವ್ಯಕ್ತಿ ಯುವರಾಜ ಎಂಬುವವರು ಕಂದಾಯ ಇಲಾಖೆಗೆ ದೂರು ನೀಡಿ, ಇವರನ್ನು ಇಲ್ಲಿಂದ ಒಕ್ಕಲೆಬ್ಬಿಸಲು ಷಡ್ಯಂತ್ರ ನಡೆಸುತ್ತಿದ್ದಾರೆ ಎಂದು ಅರ್ಜಿದಾರರಾದ ಕಾವ್ಯ ಅವರು ತಹಶೀಲ್ದಾರರಿಗೆ ಸಲ್ಲಿಸಿದ ದೂರಿನಲ್ಲಿ ಗಂಭೀರವಾಗಿ ಆರೋಪಿಸಿದ್ದಾರೆ.
ಮೂಲಭೂತ ಸೌಕರ್ಯಗಳೂ ಇಲ್ಲದೇ ಕಣ್ಣೀರಲ್ಲಿ ಕೈ ತೊಳೆಯುತ್ತಿರುವ ದಂಪತಿ: ಈ ಕುಟುಂಬಕ್ಕೆ ಕನಿಷ್ಠ ಕುಡಿಯುವ ನೀರು ಹಾಗೂ ವಿದ್ಯುತ್ ಸಂಪರ್ಕವೂ ಇಲ್ಲ. ಕತ್ತಲ ಕೋಣೆಯಂತಹ ಮನೆಯಲ್ಲಿ ತಮ್ಮ 3 ವರ್ಷದ ಪುಟ್ಟ ಹೆಣ್ಣುಮಗಳು ಗೌಷಿಕ ಜೊತೆಗೆ ಅತ್ಯಂತ ದುಸ್ತರ ಜೀವನ ನಡೆಸುತ್ತಿದ್ದಾರೆ. ಬದುಕಲು ಬೇರೆ ಯಾವುದೇ ಆಧಾರವಿಲ್ಲದ ಈ ಕುಟುಂಬವನ್ನು ಏಕಾಏಕಿ ಬೀದಿಗೆ ತಳ್ಳಲು ಕೆಲವು ರಾಜಕೀಯ ನಾಯಕರು ಅಧಿಕಾರಿಗಳ ಮೇಲೆ ಒತ್ತಡ ಹೇರುತ್ತಿದ್ದಾರೆ ಎನ್ನಲಾಗುತ್ತಿದ್ದು, ಇದು ಸಾರ್ವಜನಿಕರ ತೀವ್ರ ಆಕ್ರೋಶಕ್ಕೆ ಕಾರಣವಾಗಿದೆ.
ಮಾಧ್ಯಮ ಹಾಗೂ ಅಧಿಕಾರಿಗಳೇ ನಮಗೆ ದಾರಿ: “ನಮ್ಮ ಬಳಿ ಬೇರೆ ಜಾಗವೂ ಇಲ್ಲ, ಮನೆ ಕಟ್ಟಲು ಶಕ್ತಿಯೂ ಇಲ್ಲ. ನಮ್ಮ ಈ ಪುಟ್ಟ ಗೂಡನ್ನು ಕೆಡವಿದರೆ ಮಗುವನ್ನು ಕರೆದುಕೊಂಡು ಬೀದಿಯಲ್ಲಿ ನಿಲ್ಲಬೇಕಾಗುತ್ತದೆ. ನಮಗೆ ಕಂದಾಯ ಇಲಾಖೆಯಿಂದ ಹಕ್ಕುಪತ್ರ ಕೊಡಿಸಿ ನಮ್ಮ ಬದುಕನ್ನು ರಕ್ಷಿಸಬೇಕು” ಎಂದು ತಹಶೀಲ್ದಾರರ ಮುಂದೆ ಕಣ್ಣೀರಿಟ್ಟಿರುವ ಕಾವ್ಯ ದಂಪತಿ, ನ್ಯಾಯಕ್ಕಾಗಿ ಮಾಧ್ಯಮಕ್ಕೆ ಕರೆ ಮಾಡಿ ಆಸರೆ ಕೋರಿದ್ದಾರೆ.
ಕಾನೂನಾತ್ಮಕ ಅಂಶಗಳು: ಬದಲಿ ಜಾಗವಿಲ್ಲದೆ ಒಕ್ಕಲೆಬ್ಬಿಸಲು ಕಾನೂನಿನಲ್ಲಿ ಅವಕಾಶವಿದೆಯೇ?
ಭಾರತದ ಸಂವಿಧಾನ ಮತ್ತು ಕರ್ನಾಟಕ ಭೂ ಕಂದಾಯ ಕಾಯ್ದೆಯ ಅಡಿಯಲ್ಲಿ ಬಡವರ ವಸತಿ ಹಕ್ಕಿಗೆ ಹೆಚ್ಚಿನ ರಕ್ಷಣೆ ನೀಡಲಾಗಿದೆ.
ಸಂವಿಧಾನದ 21ನೇ ವಿಧಿ (Right to Shelter): ಗೌರವಾನ್ವಿತ ಸುಪ್ರೀಂ ಕೋರ್ಟ್ ಹಲವು ತೀರ್ಪುಗಳಲ್ಲಿ ಸ್ಪಷ್ಟಪಡಿಸಿರುವಂತೆ, “ವಾಸಿಸಲು ಆಸರೆ ಹೊಂದುವುದು” ಜೀವಿಸುವ ಹಕ್ಕಿನ (Article 21) ಅವಿಭಾಜ್ಯ ಅಂಗವಾಗಿದೆ. ಯಾವುದೇ ಪರ್ಯಾಯ ವ್ಯವಸ್ಥೆ ಇಲ್ಲದೆ ತೀರಾ ಬಡವರನ್ನು ಏಕಾಏಕಿ ಒಕ್ಕಲೆಬ್ಬಿಸುವುದು ಸಂವಿಧಾನ ಬಾಹಿರವಾಗುತ್ತದೆ.
ಕರ್ನಾಟಕ ಭೂ ಕಂದಾಯ ಕಾಯ್ದೆ 1964 (ಕಲಂ 94CC): ಸರ್ಕಾರಿ ಜಾಗದಲ್ಲಿ ಅನಧಿಕೃತವಾಗಿ ಮನೆ ನಿರ್ಮಿಸಿಕೊಂಡಿರುವ ತೀರಾ ಬಡ ಮತ್ತು ನಿರ್ಗತಿಕ ಕುಟುಂಬಗಳ ವಾಸದ ಮನೆಯನ್ನು ಸಕ್ರಮಗೊಳಿಸಲು (ಅಕ್ರಮ-ಸಕ್ರಮ ಯೋಜನೆ) ಕಾಯ್ದೆಯಲ್ಲಿ ಅವಕಾಶವಿದೆ. 94CC ಅಡಿಯಲ್ಲಿ ನಗರ ಹಾಗೂ ಗ್ರಾಮೀಣ ಭಾಗದ ಸರ್ಕಾರಿ ಜಾಗದ ಮನೆಗಳಿಗೆ ಹಕ್ಕುಪತ್ರ ನೀಡಲು ಅವಕಾಶ ನೀಡಲಾಗಿದೆ.
ನ್ಯಾಯಾಲಯದ ನಿರ್ದೇಶನಗಳು: ಕರ್ನಾಟಕ ಉಚ್ಚ ನ್ಯಾಯಾಲಯದ ಹಲವು ತೀರ್ಪುಗಳ ಪ್ರಕಾರ, ಸರ್ಕಾರಿ ಜಾಗ ಅತಿಕ್ರಮಣ ತೆರವುಗೊಳಿಸುವ ಮುನ್ನ ಅರ್ಜಿದಾರರು ನಿಜವಾಗಿಯೂ ಭೂಹೀನರೇ ಮತ್ತು ನಿರ್ಗತಿಕರೇ ಎಂಬುದನ್ನು ಪರಿಶೀಲಿಸಬೇಕು. ಒಂದು ವೇಳೆ ಅವರಲ್ಲಿ ಬೇರೆ ಯಾವುದೇ ಜಾಗವಿಲ್ಲದಿದ್ದರೆ, ಸರ್ಕಾರಿ ನಿಯಮಾವಳಿಗಳ ಅಡಿಯಲ್ಲಿ ಅವರಿಗೆ ಪುನರ್ವಸತಿ ಕಲ್ಪಿಸುವುದು ಸರ್ಕಾರದ ಕರ್ತವ್ಯವಾಗಿದೆ.
ಸಮಾಜ, ಅಧಿಕಾರಿಗಳು ಮತ್ತು ವ್ಯವಸ್ಥೆಯಿಂದ ಸಿಗಬಹುದಾದ ಸಹಕಾರಗಳು
ಈ ನೊಂದ ಕುಟುಂಬಕ್ಕೆ ಕಾನೂನಿನ ಚೌಕಟ್ಟಿನಲ್ಲಿ ಈ ಕೆಳಗಿನ ನೆರವುಗಳನ್ನು ಕೊಡಿಸಲು ಸಾಧ್ಯವಿದೆ:
ಅರ್ಜಿ ಸಲ್ಲಿಕೆ (Form 53/57 ಅಥವಾ 94CC): ಅರ್ಜಿದಾರರು ತಕ್ಷಣವೇ ಸರ್ಕಾರಿ ಜಾಗದ ಸಕ್ರಮಕ್ಕಾಗಿ ಸಂಬಂಧಪಟ್ಟ ನಮೂನೆಯಲ್ಲಿ ಅರ್ಜಿ ಸಲ್ಲಿಸಬೇಕು. ತಹಶೀಲ್ದಾರರು ಸ್ಥಳ ಪರಿಶೀಲನೆ ನಡೆಸಿ, ಇವರ ಬಡತನದ ಸ್ಥಿತಿಯನ್ನು ಪರಿಗಣಿಸಿ “ವಿಶೇಷ ಪ್ರಕರಣ” ಎಂದು ಪರಿಗಣಿಸಬಹುದು.
ಗ್ರಾಮ ಪಂಚಾಯತ್ ಮೂಲಕ ಪುನರ್ವಸತಿ: ಪಂಚಾಯತ್ ರಾಜ್ ನಿಯಮಾವಳಿಗಳ ಅನ್ವಯ, ನಿವೇಶನ ರಹಿತ ಮತ್ತು ವಸತಿ ರಹಿತ ಬಡವರಿಗೆ ಪಂಚಾಯತ್ ವ್ಯಾಪ್ತಿಯಲ್ಲಿ ಉಚಿತ ಜಾಗ ಅಥವಾ ಸರ್ಕಾರದ ಆಶ್ರಯ, ಬಸವ ವಸತಿ ಯೋಜನೆಗಳ ಅಡಿಯಲ್ಲಿ ಆದ್ಯತೆಯ ಮೇರೆಗೆ ಮನೆ ಮಂಜೂರು ಮಾಡಲು ಅವಕಾಶವಿದೆ.
ತಾತ್ಕಾಲಿಕ ಸೌಲಭ್ಯಗಳ ಒದಗಿಸುವಿಕೆ: ಮಾನವೀಯತೆಯ ದೃಷ್ಟಿಯಿಂದ, ಕಂದಾಯ ಇಲಾಖೆಯ ಅನುಮತಿಯೊಂದಿಗೆ ಸ್ಥಳೀಯ ಗ್ರಾಮ ಪಂಚಾಯತ್ ಮುಖಾಂತರ ತಾತ್ಕಾಲಿಕ ಕುಡಿಯುವ ನೀರು ಮತ್ತು ವಿದ್ಯುತ್ ಸಂಪರ್ಕ ಪಡೆಯಲು ಅರ್ಜಿ ಸಲ್ಲಿಸಬಹುದು.
ಸಾಮಾಜಿಕ ನೆರವು (NGOs ಮತ್ತು ದಾನಿಗಳು): ಬಂಗಾರ ಅಡವಿಟ್ಟು ಅವರು ಮಾಡಿಕೊಂಡಿರುವ ಸಾಲದ ಹೊರೆಯನ್ನು ಕಡಿಮೆ ಮಾಡಲು ಮತ್ತು ಮಗುವಿನ ಶಿಕ್ಷಣ ಹಾಗೂ ಪೋಷಣೆಗೆ ಸ್ಥಳೀಯ ಸಂಘ-ಸಂಸ್ಥೆಗಳು ಅಥವಾ ದಾನಿಗಳ ನೆರವಿನಿಂದ ಆರ್ಥಿಕ ಸಹಾಯ ಒದಗಿಸಬಹುದು.
ಬಂಟ್ವಾಳ ತಾಲೂಕಿನ ರಾಜಕೀಯ ನಾಯಕರೇ ಈ ನಿರ್ಗತಿಕ ಕುಟುಂಬದ ನೋವಿಗೆ ಸ್ಪಂದಿಸುವ ಕೆಲಸ ಇನ್ನಾದರೂ ಮಾಡಿ,ಇವರನ್ನು ತಮ್ಮ ಸ್ವಾರ್ಥಕ್ಕಾಗಿ ಬೀದಿಗೆ ಹಾಕುವ ಕೆಲಸ ಮಾಡಬೇಡಿ, ಅವರನ್ನು ಅಲ್ಲಿಂದ ಓಡಿಸಲು ಬಹಳಷ್ಟು ಪ್ರಯತ್ನಿಸುತ್ತಿರುವ ವ್ಯಕ್ತಿಗಳ ಸಂಪೂರ್ಣ ಮಾಹಿತಿ ನಮ್ಮ ಮಾದ್ಯಮದ ಬಳಿ ಇದೆ. ಮುಂದುವರಿದರೆ , ಯಾವ ರಾಜಕೀಯದವರೂ , ಅಧಿಕಾರಿಗಳು ಇವರ ಸಹಾಯಕ್ಕೆ ಬರದೇ ಹೋದರೆ ನಾವು ನೊಂದವರ ದಾರಿ ದೀಪವಾಗಿ ಸಂಕಷ್ಟದಲ್ಲಿರುವವರಿಗೆ ನ್ಯಾಯದ ಮೆಟ್ಟಿಲಾಗಿರುತ್ತೇವೆ.
Article
ನಾಗ ದೇವರ ನಂಬಿಕೆಗೆ ಕನ್ನ: ಕೆಲಿಂಜದ ನಗ್ರಿಮೂಲೆಯಲ್ಲಿ ಧರ್ಮದ ಹೆಸರಿನಲ್ಲಿ ಭಕ್ತರಿಗೆ ವಂಚನೆ! ಸಾವಿರಗಟ್ಟಲೆ ಹಣ ದೋಚಿದ ʼಮರಿವಂಚಕರುʼ
ವಿಟ್ಲ: ಧರ್ಮ ಎಂಬುದು ಮನುಷ್ಯನಿಗೆ ನೈತಿಕತೆ, ಶಾಂತಿ ಮತ್ತು ಸಮಾಧಾನವನ್ನು ನೀಡುವ ಪರಮ ಶಕ್ತಿಯಾಗಿದೆ. ಕರಾವಳಿ ಭಾಗದಲ್ಲಂತೂ ನಾಗ ದೇವರನ್ನು ಅತ್ಯಂತ ಭಕ್ತಿ-ಭಾವದಿಂದ ಆರಾಧಿಸಲಾಗುತ್ತದೆ. ನಾಗನ ಮರಣವಾದರೆ ಸೂತಕದ ಆಚರಣೆ ನಡೆಸಿ, ಪುರೋಹಿತರ ಮುಖೇನ ವಿಧಿವಿಧಾನಗಳೊಂದಿಗೆ ಅಂತ್ಯಸಂಸ್ಕಾರ ನೆರವೇರಿಸುವುದು ಇಲ್ಲಿ ನಡೆದುಕೊಂಡು ಬಂದಿರುವ ಧಾರ್ಮಿಕ ವಾಡಿಕೆ. ಆದರೆ, ಇತ್ತೀಚಿನ ದಿನಗಳಲ್ಲಿ ಕೆಲವರು ಇದೇ ಧಾರ್ಮಿಕತೆಯ ಹೆಸರಿನಲ್ಲಿ ಜನರ ನಂಬಿಕೆಯನ್ನು ಬಂಡವಾಳವಾಗಿಸಿಕೊಂಡು, ಆರ್ಥಿಕ ಹಾಗೂ ಮಾನಸಿಕವಾಗಿ ದೋಚುತ್ತಿರುವುದು ಆತಂಕಕಾರಿ ಸಂಗತಿಯಾಗಿದೆ. ಇಂತಹುದೇ ಒಂದು ಸದ್ದಿಲ್ಲದ ವಂಚನಾ ಜಾಲದ ಘಟನೆ ಬಂಟ್ವಾಳ ತಾಲೂಕಿನ ವಿಟ್ಲ-ಕಲ್ಲಡ್ಕ ಮಾರ್ಗದ ಕೆಲಿಂಜ ಸಮೀಪದ ನಗ್ರಿಮೂಲೆ ಎಂಬಲ್ಲಿ ಇಂದು ಬೆಳಿಗ್ಗೆ ನಡೆದು ಹೋಗಿದೆ.
ಘಟನೆಯ ಹಿನ್ನೆಲೆ: ನಾಗನ ಹೆಸರಿನಲ್ಲಿ ಸತ್ತ ಕೇರೆ ಮುಂದಿಟ್ಟು ವಸೂಲಿ
ಇಂದು ಬೆಳಿಗ್ಗೆ ಸುಮಾರು 7.00 ರ ವೇಳೆಗೆ ವಿವಿಧ ಕೆಲಸ ಕಾರ್ಯಗಳಿಗೆ ಹಾಗೂ ಶಾಲಾ-ಕಾಲೇಜುಗಳಿಗೆ ಜನ ಸಂಚರಿಸುವ ಸಮಯದಲ್ಲಿ, ನಗ್ರಿಮೂಲೆಯ ರಸ್ತೆ ಬದಿಯಲ್ಲಿ ಅಪರಿಚಿತ ಇಬ್ಬರು ವ್ಯಕ್ತಿಗಳು ನಿಂತುಕೊಂಡಿದ್ದರು. ಅವರ ಹತ್ತಿರದಲ್ಲಿಯೇ ರಸ್ತೆ ಬದಿಯಲ್ಲಿ ಒಂದು ಬಿಳಿ ಬಟ್ಟೆಯನ್ನು ಹಾಸಲಾಗಿತ್ತು. ಆ ಬಟ್ಟೆಯ ಮೇಲೆ ವಿಪರೀತ ವಾಸನೆ ಬರುತ್ತಿದ್ದ ಸತ್ತ ಹಾವಿನ (ಕೇರೆ ಹಾವು ) ಕಳೇಬರವೊಂದನ್ನು ಇಡಲಾಗಿತ್ತು.
ದಾರಿಯಲ್ಲಿ ಹೋಗುವ ಸಾರ್ವಜನಿಕರನ್ನು ಕೈಬೀಸಿ ಕರೆಯುತ್ತಿದ್ದ ಈ ಇಬ್ಬರು ಖದೀಮರು, “ನಾವು ಈ ಮಾರ್ಗದಲ್ಲಿ ಪ್ರಯಾಣಿಸುತ್ತಿದ್ದಾಗ ನಾಗರಹಾವು ಮರಣ ಹೊಂದಿರುವುದು ಕಂಡುಬಂತು. ಹಿಂದೂಗಳಾದ ನಾವು ನಾಗನ ಕಳೇಬರವನ್ನು ನೋಡಿ ಹಾಗೆಯೇ ಮುಂದೆ ಹೋಗುವಂತಿಲ್ಲ. ಅದಕ್ಕೆ ಸಮರ್ಪಕವಾದ ಅಂತ್ಯಸಂಸ್ಕಾರ ಮಾಡಿಯೇ ಹೋಗಬೇಕು ಎಂದು ತೀರ್ಮಾನಿಸಿದ್ದೇವೆ. ಆದ್ದರಿಂದ ಸಂಸ್ಕಾರಕ್ಕೆ ತಗಲುವ ವೆಚ್ಚವನ್ನು ಭಕ್ತರಿಂದ ಅಪೇಕ್ಷಿಸುತ್ತಿದ್ದೇವೆ” ಎಂದು ನಂಬಿಸುವಂತೆ ನಾಟಕವಾಡಿದ್ದಾರೆ.
ಭಯಭಕ್ತಿಯಿಂದ ಹಣ ಸುರಿದ ಭಕ್ತರು
ನಾಗನ ಭೂಮಿಯಾದ ತುಳುನಾಡಿನಲ್ಲಿ ನಾಗದೋಷ ಹಾಗೂ ನಾಗನ ಶಾಪದ ಬಗ್ಗೆ ಜನರಲ್ಲಿ ಅಪಾರ ಭಯ ಮತ್ತು ಭಕ್ತಿಯಿದೆ. ಹಾವಿನ ಕಳೇಬರವನ್ನು ಕಂಡರೆ ಅಂತ್ಯಸಂಸ್ಕಾರ ಮಾಡದೆ ಹೋಗಬಾರದು ಎಂಬ ವಾಡಿಕೆಯೂ ಇರುವುದರಿಂದ, ದಾರಿಯಲ್ಲಿ ಹೋಗುತ್ತಿದ್ದ ಸಾರ್ವಜನಿಕರು ಹಾಗೂ ವಾಹನ ಸವಾರರು ಗಾಡಿಗಳನ್ನು ನಿಲ್ಲಿಸಿ ಆ ಬಿಳಿ ಬಟ್ಟೆಯ ಮೇಲೆ ಹಣವನ್ನು ಸುರಿಯಲಾರಂಭಿಸಿದರು. ಬೆಳಿಗ್ಗೆ 6:30ರಿಂದ ಸುಮಾರು 8 ಗಂಟೆಯವರೆಗೂ ಈ ಸುದ್ದಿ ಜನರಿಂದ ಜನರಿಗೆ ಹರಡಿ, ಬೇರೆ ಬೇರೆ ಕಡೆಯಿಂದಲೂ ಜನರು ಬಂದು ಹಣ ಹಾಕಿ ಹೋಗಿದ್ದಾರೆ. ಈ ತುಳುನಾಡಿನಲ್ಲಿ ಎಲ್ಲಿ ನಾಗನ ಮರಣವಾದರೂ ಅದರ ಸಂಸ್ಕಾರದಲ್ಲಿ ಪಾಲ್ಗೊಂಡರೆ ಯಾವುದೇ ನಾಗದೋಷಗಳ ಪರಿಹಾರವಾಗುತ್ತದೆ, ಮತ್ತು ಈ ಬಗ್ಗೆ ನಿರ್ಲಕ್ಷ ಮಾಡಿದರೆ ಸಮಸ್ಯೆಗಳು ಕಾಡುತ್ತವೆ ಎಂದು ನಂಬಿದ ಜನ ಇಷ್ಟೊಂದು ನಾಗನ ಮರಣದ ಬಗ್ಗೆ ಹೇಳಿದಾಗ ಕೇಳಿಸಿಕೊಂಡು ಹೋಗುವುದೇ ಇಲ್ಲ. ತನ್ನ ಶಕ್ತಿಯಾನುಸಾರ ಅದರ ಸಂಸ್ಕಾರಕ್ಕೆ ಹಣ ನೀಡಿಯೇ ನೀಡುತ್ತಾನೆ. ಜನ ಗಾಡಿ ನಿಲ್ಲಿಸಿ ಹಣವನ್ನು ಬಿಳಿ ಬಟ್ಟೆಯ ಮೇಲೆ ನಾಗನ ಕಲೆಬರವನ್ನೂ ನೋಡದೆ ಸುರಿದಿದ್ದಾರೆ.
ವಂಚನೆ ಬಯಲಿಗೆಳೆದ ಸ್ಥಳೀಯರ ಪ್ರಶ್ನೆಗಳು
ಆದರೆ, ಅಲ್ಲಿಗೆ ಬಂದ ಕೆಲವು ಸ್ಥಳೀಯ ಹಿರಿಯರು ಮತ್ತು ಜಾಗೃತ ನಾಗರಿಕರು ಇವರ ವರ್ತನೆಯನ್ನು ಕಂಡು ಪ್ರಶ್ನಿಸಲು ಆರಂಭಿಸಿದಾಗ ವಂಚಕರ ಅಸಲಿ ಮುಖವಾಡ ಕಳಚಲಾರಂಭಿಸಿತು ಆದರೆ ಅವರನ್ನು ರೆಡ್ ಹ್ಯಾಂಡಾಗಿ ಹಿಡಿಯಲು ನಾಗನ ಕಳೇಬರದ ಬಗ್ಗೆ ಮಾಹಿತಿ ಇಲ್ಲದೆ ಭಯವಾಗಿತ್ತು.
ಸ್ಥಳೀಯ ಹಿರಿಯರ ಪ್ರಶ್ನೆ: “ಈ ಹಾವನ್ನು ಎಲ್ಲಿ ಸಂಸ್ಕಾರ ಮಾಡುತ್ತೀರಿ? ಯಾವ ಪುರೋಹಿತರನ್ನು ಮಾತನಾಡಿಸಿದ್ದೀರಿ?” ಎಂದು ಹಿರಿಯರೊಬ್ಬರು ಪ್ರಶ್ನಿಸಿದಾಗ, ವಂಚಕರು ಮುಖಭಂಗ ಅನುಭವಿಸಿ, “ನಾವು ಇಲ್ಲಿ ಮಾಡುವುದಿಲ್ಲ, ಸುರತ್ಕಲ್ನಲ್ಲಿ ಕಡಿಮೆ ಖರ್ಚಿಗೆ ನಾಗನ ಅಂತ್ಯಸಂಸ್ಕಾರ ಮಾಡುತ್ತಾರೆ, ಅಲ್ಲಿಗೇ ತೆಗೆದುಕೊಂಡು ಹೋಗುತ್ತೇವೆ” ಎಂದು ಹಾರಿಕೆ ಉತ್ತರ ನೀಡಿದ್ದಾರೆ. ಆಗ ಆ ಹಿರಿಯರು “ಇಲ್ಲಿಯೂ ಕಡಿಮೆ ಖರ್ಚಿನಲ್ಲಿ ಮಾಡಿಕೊಡುತ್ತಾರೆ” ಎಂದು ಹೇಳಿದವರೇ ತನ್ನ ಪಾಲಿನ ದೋಷದ ಹಣ ನೀಡಿ ತೆರಳಿದ್ದಾರೆ.
ಸ್ಥಳೀಯ ಮುಸ್ಲಿಂ ರಿಕ್ಷಾ ಚಾಲಕರ ವೀಕ್ಷಣೆ: ಮತ್ತೊಬ್ಬ ಸ್ಥಳೀಯ ಮುಸ್ಲಿಂ ಸಮುದಾಯದ ರಿಕ್ಷಾ ಚಾಲಕರು ಇವರನ್ನು ತರಾಟೆಗೆ ತೆಗೆದುಕೊಂಡು, “ನೀವು ಬೇರೆ ಕಡೆಯವರು ಬಂದು ಇಲ್ಲಿ ಯಾಕೆ ಹಾವಿನ ಸಂಸ್ಕಾರಕ್ಕೆ ತೊಡಗಿದ್ದೀರಿ? ನಮ್ಮ ಊರಿನವರಿಗೆ ಹೇಳಿದ್ದರೆ ನಾವೆಲ್ಲರೂ ಸೇರಿ ಮಾಡುತ್ತಿದ್ದೆವು” ಎಂದಾಗ, ವಂಚಕರ ಮಾತಿನಲ್ಲಿ ವಂಚನೆ ಬಯಲಾಗುವ ಭಯ ಎದ್ದು ಕಾಣುತ್ತಿತ್ತು ಅವರನ್ನು ಮುಂದೆ ಪ್ರಶ್ನಿಸಲು ನಮಗೆ ಧರ್ಮದ ಮದ್ಯೆ ಭಯವಾಗಿತ್ತು ಎಂದು ಅವರು ತಿಳಿಸಿದ್ದಾರೆ.
ಜಾಗೃತ ಭಕ್ತನ ಸಾಹಸ: ಅಷ್ಟರಲ್ಲಿ ₹500 ಹಣ ಹಾಕಿದ ಮತ್ತೊಬ್ಬ ವ್ಯಕ್ತಿ, “ಇದು ಇಂದು ಸತ್ತ ಕಳೇಬರ ಅಲ್ಲ, ವಿಪರೀತ ವಾಸನೆ ಬರುತ್ತಿದೆ. ಇದು ನಾಗರಹಾವು ಹೌದೇ ಅಲ್ಲವೇ ಎಂದು ಜಾಲಿಕಟ್ಟವನ್ನು ನೋಡಲು ಹೊಟ್ಟೆಯ ಕೆಳಭಾಗವನ್ನು ತಿರುಗಿಸಲು ಯತ್ನಿಸಿದಾಗ”, ಕಲೆಕ್ಷನ್ಗೆ ನಿಂತಿದ್ದ ಖದೀಮರು “ಅದನ್ನು ಮುಟ್ಟಬೇಡಿ” ಎಂದು ಜೋರು ಮಾಡಿ ತಡೆಯೊಡ್ಡಿದ್ದಾರೆ.
10 ಸಾವಿರಕ್ಕೂ ಮಿಕ್ಕಿ ಹಣ ದೋಚಿ ಪರಾರಿ!
ಊರಿನ ಹಲವರಲ್ಲಿ ಕೆಲವರು ಒಟ್ಟಾಗಿ “ನಮ್ಮ ಊರಿನಲ್ಲಿ ಆಗಿರುವುದಕ್ಕೆ ಇವರೇಕೆ ಹಣ ವಸೂಲಿ ಮಾಡಬೇಕು, ನಾವೇ ಎಲ್ಲ ಸೇರಿ ಸಂಸ್ಕಾರ ಮಾಡಬಹುದಿತ್ತು” ಎಂದು ಮಾತನಾಡಿ ಕೊಳ್ಳುವಷ್ಟರಲ್ಲಿಯೇ, ಅಂದರೆ ಸುಮಾರು ಬೆಳಿಗ್ಗೆ 9 ಗಂಟೆಯ ವೇಳೆಗೆ ಒಂದು ಅಚ್ಚರಿಯ ಸುದ್ದಿ ಪ್ರದೇಶದಲ್ಲಿ ಹರಿದಾಡಿದೆ. ಬಿಳಿಬಟ್ಟೆ ಹಣ ಮತ್ತು ಕಲೆಕ್ಷನ್ ಮಾಡುವವರು ಅಲ್ಲಿಂದ ಕಾಲ್ಕಿತ್ತಿದ್ದಾರೆ. ನಂತರ ಅವರ ಮೇಲಿನ ಸಂಶಯಗಳು ಒಂದೊಂದಾಗಿ ಊರಿಡಿ ಹರಿಯಲಾರಂಭಿಸಿದೆ. . ಕೊನೆಗೂ ಧಾರ್ಮಿಕತೆಯ ಭಯ ಮೂಡಿಸಿ ಕೇವಲ ಎರಡೂವರೆ ಗಂಟೆಗಳಲ್ಲಿ ಅಮಾಯಕ ಭಕ್ತರಿಂದ ಸುಮಾರು ₹10,000ಕ್ಕೂ ಮಿಕ್ಕಿದ ಹಣವನ್ನು ದೋಚಿ ಖದೀಮರು ಪರಾರಿಯಾಗಿದ್ದಾರೆ ಎಂದು ತಿಳಿದು ಸಾರ್ವಜನಿಕರು ತಲೆ ಮೇಲೆ ಕೈ ಹೊತ್ತು ಕುಳಿತುಕೊಳ್ಳುವಂತಾಗಿದೆ.
ಮಾಧ್ಯಮದ ಕಳಕಳಿಯ ವಿನಂತಿ ಮತ್ತು ಎಚ್ಚರಿಕೆ:
ಇಂದಿನ ದಿನಗಳಲ್ಲಿ ದೇವಸ್ಥಾನ, ಮಠ, ಬ್ರಹ್ಮಕಲಶೋತ್ಸವ, ವಿಶೇಷ ಪೂಜೆಗಳು, ಹುಂಡಿ ಹಣ, ದೇಣಿಗೆ ಅಥವಾ ದೋಷ ನಿವಾರಣೆಯ ಹೆಸರಿನಲ್ಲಿ ಅಮಾಯಕ ಭಕ್ತರ ಭಯ ಹಾಗೂ ಭಕ್ತಿಯನ್ನು ದುರುಪಯೋಗಪಡಿಸಿಕೊಂಡು ಹಣ ನುಂಗಿ ನೀರು ಕುಡಿಯುವ ಮಹಾವಂಚಕರ ಮಧ್ಯೆ, ಇಂತಹ ‘ಮರಿ ವಂಚಕರು’ ಕೂಡ ಹುಟ್ಟಿಕೊಳ್ಳುತ್ತಿರುವುದು ಖೇದಕರ.ಧರ್ಮದ ಹೆಸರಿನಲ್ಲಿ ಯಾರಾದರೂ ಇಂತಹ ಮೋಸ, ಬೆದರಿಕೆ ಅಥವಾ ಆರ್ಥಿಕ ಶೋಷಣೆ ಮಾಡಲು ಮುಂದಾದರೆ, ಸಾರ್ವಜನಿಕರು ತಕ್ಷಣವೇ ಜಾಗೃತರಾಗಿ ಹತ್ತಿರದ ಪೊಲೀಸ್ ಠಾಣೆಗೆ ದೂರು ನೀಡಬೇಕು ಎಂದು ನಮ್ಮ ಮಾಧ್ಯಮವು ಸಾರ್ವಜನಿಕರಲ್ಲಿ ಕಳಕಳಿಯ ವಿನಂತಿ ಮಾಡುತ್ತದೆ. ಅಂಧಶ್ರದ್ಧೆಗೆ ಬೀಳದೆ, ಜಾಗೃತವಾಗಿರುವುದೇ ಇಂತಹ ಖದೀಮರಿಗೆ ನೀಡುವ ಸರಿಯಾದ ಉತ್ತರ
ಸಚಿವ ಸ್ಥಾನ ಸಿಗದ್ದಕ್ಕೆ ಕಾಂಗ್ರೆಸ್ನಲ್ಲಿ ತೀವ್ರ ಬಂಡಾಯ: ಶಾಸಕ ಸ್ಥಾನಕ್ಕೆ ಬೇಳೂರು ಗೋಪಾಲಕೃಷ್ಣ, ಯಶವಂತರಾಯಗೌಡ ಪಾಟೀಲ್ ರಾಜೀನಾಮೆ!
ದಕ್ಷಿಣ ಕನ್ನಡ ಜಿಲ್ಲಾ ಕಾಂಗ್ರೆಸ್ ಅಧ್ಯಕ್ಷತೆಗೆ ಹನೀಫ್ ಬಗ್ಗುಮೂಲೆ ಅರ್ಜಿ
ದಕ್ಷಿಣ ಕನ್ನಡ: ರಾಯಿ ಸಮೀಪ ನದಿಯಲ್ಲಿ ಕೊಚ್ಚಿಹೋಗಿದ್ದ ವ್ಯಕ್ತಿಯ ಮೃತದೇಹ ಸಂಗಬೆಟ್ಟುವಿನಲ್ಲಿ ಪತ್ತೆ
ಬಂಟ್ವಾಳದಲ್ಲಿ ಭೀಕರ ಹತ್ಯಾಕಾಂಡ: ಬಸ್ನಲ್ಲಿ ಕುಳಿತಿದ್ದ ಯುವತಿಯನ್ನು ಸಾರ್ವಜನಿಕರೆದುರೇ ಕೊಚ್ಚಿ ಕೊಂದ ತಲೆಹರಟೆ ಪ್ರೇಮಿ!
ಅತ್ಯಾಚಾರ ಯತ್ನಕ್ಕೆ ತಡೆದ ಸೊಸೆಯ ಮುಖಕ್ಕೆ ಕಚ್ಚಿ ಕೊಲೆಗೆ ಯತ್ನಿಸಿದ ಮಾವ..ತಂದೆಯ ರಾಕ್ಷಸೀ ಕೃತ್ಯಕ್ಕೆ ಬೆಂಬಲಿಸಿದ ಗಂಡ..ಸುಳ್ಯ ಠಾಣಾ ವ್ಯಾಪ್ತಿಯಲ್ಲಿ ಅದೃಷ್ಟವಶಾತ್ ಬಚಾವಾದ ಸೊಸೆ..
ಧಾರ್ಮಿಕ ನಂಬಿಕೆಗೆ ಅವಮಾನ: ಕೊಡಗಿನ ಎಮ್ಮೆಮಾಡಿನಲ್ಲಿ ದೈವದ ವೇಷದಂತೆ ಧರಿಸಿ ಮದುಮಗನ ಅತಿರೇಕದ ವರ್ತನೆ!
-
Bantawala3 weeks agoಬಂಟ್ವಾಳದಲ್ಲಿ ಭೀಕರ ಹತ್ಯಾಕಾಂಡ: ಬಸ್ನಲ್ಲಿ ಕುಳಿತಿದ್ದ ಯುವತಿಯನ್ನು ಸಾರ್ವಜನಿಕರೆದುರೇ ಕೊಚ್ಚಿ ಕೊಂದ ತಲೆಹರಟೆ ಪ್ರೇಮಿ!
-
crime6 months agoಅತ್ಯಾಚಾರ ಯತ್ನಕ್ಕೆ ತಡೆದ ಸೊಸೆಯ ಮುಖಕ್ಕೆ ಕಚ್ಚಿ ಕೊಲೆಗೆ ಯತ್ನಿಸಿದ ಮಾವ..ತಂದೆಯ ರಾಕ್ಷಸೀ ಕೃತ್ಯಕ್ಕೆ ಬೆಂಬಲಿಸಿದ ಗಂಡ..ಸುಳ್ಯ ಠಾಣಾ ವ್ಯಾಪ್ತಿಯಲ್ಲಿ ಅದೃಷ್ಟವಶಾತ್ ಬಚಾವಾದ ಸೊಸೆ..
-
crime4 months agoಧಾರ್ಮಿಕ ನಂಬಿಕೆಗೆ ಅವಮಾನ: ಕೊಡಗಿನ ಎಮ್ಮೆಮಾಡಿನಲ್ಲಿ ದೈವದ ವೇಷದಂತೆ ಧರಿಸಿ ಮದುಮಗನ ಅತಿರೇಕದ ವರ್ತನೆ!
-
Bantawala4 months agoವಿಟ್ಲದಲ್ಲಿ ನಡೆಯಿತೊಂದು ದೈವ ಕಾರಣಿಕ; ಪೊಲೀಸರ ಕಣ್ಣಿಗೆ ಮಣ್ಣೆರಚಿದರೂ ದೈವದ ದೃಷ್ಟಿಗೆ ತತ್ತರಿಸಿದ ದನಕಳ್ಳ..
-
accident2 weeks agoBreaking: ಬಂಟ್ವಾಳದಲ್ಲಿ ಶಾಲಾ ಬಸ್ ಮೇಲೆ ಉರುಳಿದ ಬೃಹತ್ ಮರ; ಕಲ್ಲಡ್ಕ ಶ್ರೀರಾಮ ಶಾಲೆಯ ಓರ್ವ ವಿದ್ಯಾರ್ಥಿ ಸಾವು, ಕೆಲವರು ಗಂಭೀರ, ಹಲವರಿಗೆ ಗಾಯ!
-
Bantawala7 months agoನಾಗಬನ, ರಕ್ತೇಶ್ವರಿ ತಾಣ, ದೈವದೇವರ ಸಾನಿಧ್ಯ ದ್ವಂಸ ಗೊಳಿಸಿದ ಧರ್ಮದ್ರೋಹಿ ಕೃತ್ಯದ ವಿರುದ್ಧ ಭಕ್ತರ ಆಕ್ರೋಶ ; ನಾಶವಾದ ಸಾನಿಧ್ಯದಲ್ಲಿಯೇ ಸ್ವಾಮೀಜಿಯವರ ಮಾರ್ಗದರ್ಶನದಲ್ಲಿ ಕುಟುಂಬಸ್ತರು, ಸಾರ್ವಜನಿಕರ ಸಾಮೂಹಿಕ ಪ್ರಾರ್ಥನೆ
-
accident3 months agoವಿಟ್ಲ ಆಕಾಶದಲ್ಲಿ ಹಾರಾಡಿದ ವಿಮಾನ: ತಾಂತ್ರಿಕ ದೋಷವಲ್ಲ, ಹವಾಮಾನ ವೈಪರೀತ್ಯದ ಕಾರಣ ! ಸಾರ್ವಜನಿಕರು ಆತಂಕ ಪಡುವ ಅಗತ್ಯವಿಲ್ಲ
-
Bantawala4 weeks agoಮಂಚಿ ಮೋಂತಿಮಾರು: ಬಸ್ಸಿಗಾಗಿ ಕಾಯುತ್ತಿದ್ದ ಅಪ್ರಾಪ್ತ ವಿದ್ಯಾರ್ಥಿನಿ ಮೇಲೆ ಕತ್ತಿಯಿಂದ ಮಾರಣಾಂತಿಕ ದಾಳಿ; ಯುವತಿ ಗಂಭೀರ