ಶ್ರೀ ಪಂಚಲಿoಗೇಶ್ವರ ದೇವರ ಜಾತ್ರೋತ್ಸವದ ನಡೆಯುತ್ತಿರುವ ಈ ಸಂದರ್ಭದಲ್ಲಿ ಭಕ್ತಜನ ದಟ್ಟಣೆಯಲ್ಲಿ ಸಾರ್ವಜನಿಕ ಉಪಯೋಗದ ಶೌಚಾಲಯವು ತ್ಯಾಜ್ಯದಿಂದ ತುಂಬಿ ಹೊರಬಂದಿದ್ದು ಇಡೀ ಪರಿಸರ ದುರ್ನಾತದಿಂದ ಮೂಗು ಮುಚ್ಚಿ ವ್ಯವಹರಿಸಬೇಕಾದ ಸಂದಿಗ್ಧತೆಯಲ್ಲಿ ಸಾರ್ವಜನಿಕ ದೂರನ್ನು ಆಧರಿಸಿ ದೀವಟಿಗೆ ನ್ಯೂಸ್ ಡಿಜಿಟಲ್ ಮಿಡಿಯಾ ಬಿತ್ತರಿಸಿದ ವಿಡಿಯೋ ವರದಿಗೆ ತಕ್ಷಣ ಸ್ಪಂದಿಸಿದ ವಿಟ್ಲ ಪಟ್ಟಣ ಪಂಚಾಯತ್ ತ್ಯಾಜ್ಯ ವಿಲೇವರಿಯ ಟ್ಯಾಂಕರ್ ಮೂಲಕ ಶೌಚಾಲಯದ ಗುಂಡಿ ಸ್ವಚ್ಛ ಮಾಡಿ ಭಕ್ತರಲ್ಲಿ ನೆಮ್ಮದಿ ಮೂಡಿಸಿದೆ.

ಜ.21ರಂದು ವಿಟ್ಲ ಪಂಚಲಿoಗೇಶ್ವರ ದೇವರ ಮಹಾ ರಥೋತ್ಸವ ನಡೆದು ಜ.22ರಂದು ಸಂಜೆ ದೇವರು ಅವಭೃತ ಸ್ಥಾನಕ್ಕೆ ತೆರಳುವ ದೈವೀ ಸವಾರಿ ಕಾರ್ಯ ನಂತರ ವಿಟ್ಲದ ಪಂಚಶ್ರೀ ಗ್ರೂಫ್ ನಿಂದ ಅದ್ಧೂರಿಯ ಸ್ಟಾರ್ ನೈಟ್ ನಡೆಯಲಿದೆ. ಭಕ್ತರು ದೇಗುಲ ದರ್ಶನಕ್ಕೆ ಸಂತೆ ತಿರುಗಾಟಕ್ಕೆ ಸಾಗರೋಪಾದಿಯಲ್ಲಿ ಬರುತ್ತಲೇ ಇದ್ದಾರೆ. ಈ ಮದ್ಯೆ ಶೌಚಾಲಯದ ದುರ್ವಾಸನೆ ಇಡೀ ದೇಗುಲದ ಪರಿಸರವನ್ನೇ ಪಸರಿಸಿ ಭಕ್ತಾದಿಗಳ ಹಿಡಿಶಾಪವನ್ನು ಮತ್ತು ಗೋಳನ್ನು ಪರಿಹರಿಸುವಂತೆ ಮಿಡಿಯಾದ ಪ್ರಸಾರ ಮಾಡಿದಾಗ ಸಂಬoಧಪಟ್ಟವರು ಎಚ್ಚೆತ್ತು ಕೊಂಡರು.
ಭಕ್ತಾದಿಗಳಿಗೆ ಸರಿಯಾದ ಶೌಚಾಲಯದ ವ್ಯವಸ್ಥೆ ಇಲ್ಲದಿರುವುದು ಇಂದು ನಿನ್ನೆಯ ಅವ್ಯವಸ್ಥೆಯಲ್ಲ. ವಿಟ್ಲ ಅಯ್ಯಪ್ಪ ದೇಗುಲದ ಎದುರಿಗೆ ಅಂದಿನ ಪಂಚಾಯತ್ ಆಡಳಿತ ಕಾಟಾಚಾರಕ್ಕೊಂದು ಶೌಚಾಲಯ ನಿರ್ಮಿಸಿ ಕೊಟ್ಟು ವಿಟ್ಲ ಅಯ್ಯಪ್ಪ ದೇಗುಲ ಮುಂದೆ ಸಾರ್ವಜನಿಕ ಶೌಚಾಲಯದ ತ್ಯಾಜ್ಯದ ವಾಸನೆ ನಿರಂತರವಾಗಿ ಹರಿಯುವಂತೆ ಮಾಡಿರುವುದು ಯಾವ ಅಸ್ತಿಕನಿಗೂ ಸರಿ ಎಣಿಸಲಿಲ್ಲ.
ಪಂಚಾಯತ್ ಜಾತ್ರಾ ಅಂಗಡಿ ಏಲಂನಲ್ಲಿ ತೋರುವ ಮುತುವರ್ಜಿಯನ್ನು ಸಾರ್ವಜನಿಕ ಸೌಕರ್ಯಗಳ ಬಗ್ಗೆ ಯಾಕೆ ತೋರುತ್ತಿಲ್ಲ ಎಂದು ಭಕ್ತರು ಪ್ರಶ್ನೆ ಎತ್ತಲು ಆರಂಭಿಸುತ್ತಿರುವoತೆಯೇ ಅದಾಗಲೇ ಪರಿಸರವಿಡೀ ದುರ್ನಾತದಿಂದ ಮೂಗು ಮುಚ್ಚಿ ಓಡಾಡುವ ಪರಿಸ್ಥಿತಿ ಬಂದಿತ್ತು.
ಜನ ಜಾತ್ರೆಯ ಮದ್ಯೆ ಗಬ್ಬೆದ್ದಿರುವ ದುರ್ನಾತಕ್ಕೆ ನಾವು ಹಿಡಿಶಾಪ ಹಾಕುವುದು ಬಿಟ್ಟೆರೆ ಪರಿಣಾಮ ಏನು ಆಗುವುದಿಲ್ಲ! ಆದರೆ ಈ ಅವ್ಯವಸ್ಥೆಯ ಪರಮಾವಧಿಗೆ ವಿಟ್ಲ ಪಟ್ಟಣ ಪಂಚಾಯತ್ ಹೊಣೆಯಲ್ಲವೇ ? ಇದಕ್ಕೆ ವಿಟ್ಲ ಪಟ್ಟಣ ಪಂಚಾಯತ್ ತಕ್ಷಣ ಸ್ಪಂದಿಸಬೇಕಾಗಿದೆ ಶೌಚಾಲಯದ ಹೊಲಸು ಮೆಟ್ಟಿಕೊಂಡೇ ಅಯ್ಯಪ್ಪ ದೇಗುಲ ಪ್ರವೇಶ ಮಾಡಬೇಕೇ ? ಎಂದು ಸಾರ್ವಜನಿಕವಾಗಿ ಸಮಸ್ಯೆಯನ್ನು ಹರಿಯಬಿಟ್ಟಿತ್ತು,
ಶೌಚಾಲಯ ನಿರ್ಮಾಣ ಸಂದರ್ಭ ಕಡಿಮೆ ಸ್ಥಳಾವಕಾಶದ ತ್ಯಾಜ್ಯ ಗುಂಡಿ ನಿರ್ಮಾಣ ಮಾಡಿರುವುದೇ ಅನಾಹುತಕ್ಕೆ ಕಾರಣ ಎಂದು ಪಂಚಾಯತ್‌ಗೆ ತಿಳಿದೇ ಇದ್ದರೂ ತಕ್ಷಣದ ಕ್ರಮವಾಗಿ ತ್ಯಾಜ್ಯ ತೆರವುಗೊಳಿಸಿ ಪರಿಹಾರ ಮಾಡಿದುದಕ್ಕೆ ಅಭಿನಂದನೆಗಳನ್ನು ಭಕ್ತರ ಪರವಾಗಿ ಮೀಡಿಯಾವು ಸಲ್ಲಿಸುತ್ತಿದೆ.
ಮುಂದೆ ಸಮಸ್ಯೆ ಮರುಕಳಿಸದಂತೆ ಸಮರ್ಪಕವಾದ ಶೌಚಾಲಯದ ನಿರ್ಮಾಣವೇ ಶಾಶ್ವತ ಪರಿಹಾರವೆಂಬುವುದನ್ನು ಪಂಚಾಯತ್ ತಿಳಿದುಕೊಂಡು ಕ್ರಮ ತೆಗೆದುಕೊಳ್ಳಬೇಕೆಂದು ಸಾರ್ವಜನಿಕರು ವಿನಂತಿಸಿದ್ದಾರೆ.

ದೀವಟಿಗೆ ನ್ಯೂಸ್ ಇಂದು ಬೆಳಿಗ್ಗೆ ಪ್ರಸಾರ ಮಾಡಿದ ವಿಡಿಯೋ ವರದಿ

🔺 ವಿಟ್ಲ ಅಯ್ಯಪ್ಪ ದೇಗುಲ ಮುಂದೆ ಹರಿಯುತ್ತಿದೆ ಸಾರ್ವಜನಿಕ ಶೌಚಾಲಯದ ತ್ಯಾಜ್ಯ..
🔺 ಪರಿಸರವಿಡೀ ದುರ್ನಾತದಿಂದ ಮೂಗು ಮುಚ್ಚಿ ಓಡಾಡುವ ಪರಿಸ್ಥಿತಿ..
🔺 ಜನ ಜಾತ್ರೆಯ ಮದ್ಯೆ ದುರ್ನಾತಕ್ಕೆ ಜನರ ಹಿಡಿಶಾಪ ಆಕ್ರೋಶಿತರಾದ ಭಕ್ತರು !
🔺 ಅವ್ಯವಸ್ಥೆಯ ಪರಮಾವಧಿಗೆ ವಿಟ್ಲ ಪಟ್ಟಣ ಪಂಚಾಯತ್ ಹೊಣೆಯಲ್ಲವೇ ?
🔺 ವಿಟ್ಲ ಪಟ್ಟಣ ಪಂಚಾಯತ್ ತಕ್ಷಣ ಸ್ಪಂದಿಸಬೇಕಾಗಿದೆ
🔺 ಶೌಚಾಲಯದ ಹೊಲಸು ಮೆಟ್ಟಿಕೊಂಡೇ ಅಯ್ಯಪ್ಪ ದೇಗುಲ ಪ್ರವೇಶ
🔺 ಭಕ್ತರ ಪಾಲಿಗೆ ಸಂಕಟ ತಂದ ಶೌಚಾಲಯದ ಗುಂಡಿ
🔺 ಶೌಚಾಲಯ ನಿರ್ಮಾಣ ಸಂದರ್ಭ ಕಡಿಮೆ ಸ್ಥಳಾವಕಾಶದ ತ್ಯಾಜ್ಯ ಗುಂಡಿ ನಿರ್ಮಾಣ
🔺 ಅನಾಹುತಕ್ಕೆ ಕಡಿಮೆ ಸ್ಥಳಾವಕಾಶದ ತ್ಯಾಜ್ಯ ಗುಂಡಿ ಕಾರಣ

ದೀವಟಿಗೆ ನ್ಯೂಸ್ ಇಂದು ಬೆಳಿಗ್ಗೆ ಪ್ರಸಾರ ಮಾಡಿದ ವಿಡಿಯೋ ವರದಿ